今年日本AV界新人輩出，但係亦有好多女優宣告引退，令唔少AV迷都為之傷感。而眾多女優引退嘅消息當中，最新亦最惹人熱議嘅一定係美雪愛麗絲，阿妹宣告年底同大家講拜拜，有消息指佢引退之後會同V6成員型男森田剛拉埋天窗！
上年日本AV廠SOD黑過墨斗，接連有新人未出碟先脫腳，搞到大失預算，幸好經過一番努力之後，廠方終於力挽頹勢，總算叫做扶穩業績。今年黑氣似乎轉移到屬於北都集團三大名廠之一嘅IdeaPocket身上，新人不濟之餘，銷量一姐希志愛奈因身體不適而要引退，最近連美雪愛麗絲都宣告喺年底離開AV界。相對於希志愛奈，愛麗絲引退嘅消息嚟得更加轟動，除咗一班AV迷慨嘆又少一個極品女優，熱中於追蹤娛樂圈新聞嘅日本國民都相當關注，皆因有消息指愛麗絲引退後會同森田剛結婚！呢位森田剛係組合V6嘅成員，十幾歲開始演戲，由陽光小子做到有型中佬，據講上年年尾森田剛曾經表示一年之後會娶愛麗絲為妻，睇嚟所言非虛。
愛麗絲同森田剛嘅戀情喺上年4月曝光，畀人影到佢哋出雙入對，仲指出佢哋已經進入半同居關係。戀情曝光之後，引起森田剛嘅粉絲不滿，仲去到愛麗絲嘅博客留言表示反對，搞到阿妹要緊急關閉博客，以免事情進一步鬧大。除咗粉絲反對，據講森田剛阿媽都唔係咁鍾意呢位AV女優入宮，其實都可以理解嘅，愛麗絲喺2010年以「北海道活躍的模特兒」身份出道，憑住一副高挑好波嘅身材以及美艷迷人嘅面孔火速上位，由Alice Japan轉投到IdeaPocket之後，更加妙用其弗爆身材以及熟練性技，配上淫到出汁嘅表情深深咁俘虜一眾AV迷，身為阿媽即使唔擔心愛絲麗嘅淫娃形象影響森田剛嘅演藝事業，都可能會擔心阿仔嘅身子頂唔順啦！
雖然面對各方反對，森田剛仍出面維護女友愛麗絲，好Man咁向傳媒表示拍拖係兩個人嘅事，唔會介意大家點睇，亦唔會介意對方嘅職業，此言一出獲得外界讚揚，令呢位曾經同上戶彩以及女歌手Misono拍拖嘅花花公子形象變得正面起嚟。另一方面，DJ Dagobah喺微博表示今次好友森田剛係認真對待呢段感情，相信兩人真係好事近。不過，到目前為止，愛麗絲喺博客發表引退宣言，當中只係表示希望為自己5年來嘅AV生涯畫上句號，至於係咪真係嫁入森田家就未有透露。
撰文：賢