乾杯再剝光　飲酒女優特別放

9女齊集

以前做AV迷要鬼鬼祟祟，睇隻鹹碟都怕畀人見到，但係家陣就唔同，好似小弟上年去日本，大搖大擺咁行入AV店，猶如去便利店咁Casual，而去到一間位於秋葉原嘅情趣用品店，男男女女都係直入直出，完全唔使怕醜。買日本AV嘅行為日益普遍，AV女優嘅活動亦一樣，佢哋愈嚟愈鍾意搞公開活動同粉絲聚會，早前就有個叫做「第二次色情杉首腦會議」活動嘞！點解名稱咁騎呢？我就唔清楚，只係知道出席活動嘅女優個個都大有來頭，包括有SOD超人氣人妻女優白石茉莉奈、曝光率極高嘅湊莉久、Sky PerfecTV成人放送大賞2015嘅最優秀新人天使萌、新一代癡女掌門人蓮實Kurea、初美沙希、美泉咲、廣瀨海、逢月春奈以及生駒遙菜一共9位女優，陣容鼎盛。

輸到剝衫

活動當晚喺新宿一個會場上演，由於有9位人氣女優出席，吸引力十足，門票早就被搶購一空。9位女優當中，生駒遙菜主要擔任司儀工作，活動一開始，遙菜先請嚟白石茉莉奈、天使萌以及湊莉久出場，原因係三女感情一向要好，遙菜決定問佢哋一啲尷尬問題，例如有冇睇過對方嘅AV，又或者如果有機會合作，喺磨豆腐過程當中會錫對方邊一個位置等。眾多敏感話題真係令三位女優一時陰陰笑，一時又一額汗。訪談完畢，大家就玩猜枚遊戲，最重要呢隻枚係剝衫枚，經過一輪比併，由天使萌同生駒遙菜進行最終決戰，而天使萌雖然個名叫天使，但係就冇得到神庇佑，喺三盤兩勝嘅包剪揼對決中連輸兩局，最終要剝衫作為懲罰，阿妹只好剝淨內衣褲見人。

全體益街坊

活動期間，各位女優都係咁飲啤酒，令佢哋嘅行為舉止都特別放，而慣咗做醉貓嘅湊莉久依然咁勇，一於有幾多飲幾多。喺玩遊戲時，湊莉久同天使萌分享一支朱古力棒，飲到醉醉哋嘅佢，居然同萌妹嘴對嘴，仲突然高歌一曲，認真夠晒豪放。之後輪到女優同現場觀眾玩喇，玩嘅亦係剝衫枚。當然，觀眾都係男人，輸咗要剝衫的話又確係幾趕客，咁就將規則一改，女優輸咗就剝衫，男嘅輸咗就要畀女優掌摑一巴。最後，大家都玩得興奮，而女優們更作出最後一擊益街坊，9個囡囡齊齊剝淨胸圍底褲畀台下觀眾影相，好正呀！

童話四仔

Axel Braun參演嘅四仔多不勝數，佢執導嘅四仔同樣賣個滿堂紅，令佢攞導演獎攞到手軟，更成為「超級」四仔導演，超級係因為佢專惡搞超級英雄片，早前嘅《Avengers XXX》同《Batman Vs Superman XXX》等，之唔係出自Axel哥手囉！此外，大哥仲好鍾意惡搞童話，舊嘅唔講，嚟緊佢就會推出《Peter Pan XXX》，大家係咪好期待呢？坦白講，細佬就一半半嘞，話晒Peter Pan都係大家嘅童年回憶，如今變成床上英雄，真係令人難以想像。而Axel哥就話會瞓身拍攝呢套「童話四仔」，係佢歷來惡搞作品中最認真一次！無奈吹足半年，到今日都尚未有劇照流出，連佢個人社交網Twitter都只係得張風景相，好彩最近一間叫Nexxxt Level嘅脫星經理人公司發新聞稿，表示同Axel哥達成合作協議，會全力提供最優質脫星協助佢拍攝，當中索到震嘅Keira Nicole同紋身辣妹Kleio Valentien將有極大機會擔正添，有呢兩位脫星參與，咁又似乎睇得過噃！

撰文：賢