喺呢個網絡爆炸嘅年代，想出名一啲都唔難，只要做出一啲匪夷所思嘅行為，拍成片後擺上網，好快就吸引到大家嘅注意。可能因為咁，有啲人做出嚟嘅嘢令人側目，卻同時又相當香艷，好似英國竟然有兩成六人曾喺車內自娛、夜店內曳曳仲要喺牆上留言，而日本更有班美少女膽敢眾目睽睽下剝剩底衫褲。
早前英國有位女士因開車途中自娛，搞到發生追尾事故，唔知係咪咁嘅緣故，英國嘅保險公司Adrian Flux早前進行一個關於開車習慣嘅調查，發現受訪者中竟每四個就有一人，曾經喺開車中自娛！佢哋訪問咗1,000位年齡介乎25至34歲嘅駕駛人士，當中有兩成六受訪者表示，曾經喺開車途中自娛，有四成更表示坐喺副駕位嘅佢哋，曾經對駕駛者進行過「性騷擾」兼導致對方分心添！不過咪以為後生大唔透，先至會搞埋啲咁嘅嘢，調查同時發現喺超過55歲嘅受訪者中，有七成人表示曾喺停喺度嘅車內玩車震。有關方面建議大家，想自娛或曳曳都係先停好架車至玩。
「面係人哋畀，架係自己丟」呢句說話，用喺愛爾蘭男子Philip Smith身上一啲都冇錯。事緣佢早前某個晚上，喺一間正經夜店內搭上咗一位女子，慾火焚身嘅佢哋竟喺夜店內曳曳。唔知係咪成個過程太過刺激又相當回味，Philip竟喺牆上用黑筆寫上「Philip Smith在此曳曳，非常鍾意呢間夜店」。佢之所以留言，無非係想炫耀一番，卻估唔到冇耐就有夜店員工喺佢嘅留言下回應「我哋知道你喺裏面曳曳，只係喺請嚟保安處理嘅20秒內，你就已經完事。」即係明寸Philip係個快槍手！有夜店玩家見到後影相擺上網分享，唔知Philip見到呢段回應，內心有乜嘢感覺呢？
日本嘅電視節目尺度之大，真係令人眼界大開！試諗喺電視台嘅黃金時段兼合家歡節目中，點會有美少女着胸圍同底褲嘅畫面出現呢？日本人氣電視節目《THE！世界仰天NEWS》透過短劇方式，介紹世界各地發生嘅趣聞，並憑此手法深得觀眾嘅喜愛。話說早前佢哋就將一班美少女，整蠱英文老師嘅新聞搬上節目。話說一班美少女因為上完體育堂成身黐立立，竟然剝剩胸圍同底褲，搞到英文男教師入到嚟時嚇到掉頭走番出去。節目嘅亮點固然在於班性感誘人嘅美少女身上，皆因當中有部分竟然係AV女優。唔少網民就話可以喺咁嘅時段，睇到剝衫兼露出場面，感覺相當過癮喎！
撰文：魂