日本AV界大型盛事AV Open 2015現正舉行得如火如荼，不過呢個頒獎典禮要等到11月至開幕，幸好大型AV界活動唔只得一個，好似早前上演完畢嘅Onafes 2015就係其中之一！今次就勁喇！出場表演嘅女優足足有成40個咁多，真係睇波都睇唔切呀！
日本AV界有兩大集團雄霸一方，一個係坐擁S1、Moodyz、IdeaPocket等頂級AV廠嘅北都集團，另一個就係創意無限嘅SOD，除咗呢兩個集團之外，仲有其他中型AV廠努力為我哋一眾AV迷服務，佢哋彼此之間有競爭亦有合作，有時更加會聯合舉辦活動，好似Onafes就係其中一個，而早前經已順利舉行完畢。今次由5間大家都相當熟悉嘅AV廠聯手合辦，包括Alice Japan、Max-A、h.m.p、million以及MAXING，各自派出旗下最頂尖嘅AV女優為呢個充滿娛樂性嘅活動演出，仲請嚟當今人氣超強嘅5隊AV女優偶像組合表演，包括由波多野結衣率領嘅me-me*、以星美梨香做主打嘅Million Girl Z、棉花糖3D+、KÜHN以及乙女Frappuccino，合共有40位AV女優演出，唔怪得門票一早就賣晒啦！
呢個活動分為兩個部分，第一Part係請出5隊女優偶像組合輪流上台表演勁歌熱舞，me-me*有AV天后波多野結衣坐鎮當然夠晒吸引，而組成冇幾耐嘅KÜHN一樣出色，特別係新一代癡女掌門人蓮實Kurea上圍激凸，獻唱時又趷籮，跳舞又跳到香汗淋漓上衣濕透，吸睛度爆晒燈！至於由SOD專屬女優紗倉真菜同小島麻奈美組成嘅乙女Frappuccino，由於真菜未獲SOD放人，故未能出席，幸好麻奈美亦唔使單打獨鬥，因為有舊時同屬Alice Japan專屬女優，亦係是次活動司儀嘅川上奈奈美同佢合作演出，將青春魅力盡情發放。唱完歌之後，就嚟到第二Part鬥波喇！一眾女優分為紅藍黃綠四組，齊齊換上火辣比堅尼畀台下觀眾任影唔嬲，期間女優仲玩自摸，搞到現場觀眾極度亢奮，High到不得了！最後就進行一場蓮步舞比賽，由於只係玩票性質，所以冇話邊個贏邊個輸，最緊要玩得開心！
如果大家喺本月尾去日本旅行，又想同AV女優見面，就有大好機會喇！因為知名嘅活動會場LOFT/PLUS ONE為慶祝20周年，特別喺7月27日舉辦「色情杉首腦會議」，請來天使萌、白石茉莉奈以及KÜHN等共9位女優表演。仲有，喺7月31日於川崎市嘅CLUB CITTA'上演「SEXY-J Presents SUMMER FESTIVAL」，到時有超過30位AV女優演出，大家千祈唔好錯過喇！
撰文：賢