好多男人都自命不凡，之但係喺床上卻往往未達標準。日本女仔予人溫柔形象，之不過愛媛縣嘅女仔就例外。近年世界各大城市都有車展，為吸引人駐足留意，最近泰國一個車展更有比堅尼洗車騷。
好多男人都自以為是，好似小弟我咁成日都以為靚仔，冇女友只係對方唔識貨，同樣地好多男人都以為自己喺床上威風八面，令床伴高潮迭起，仲要自鳴得意咁問對方：「頭先我係咪好勁呢？」英國有報章經調查發現，一般男人喺床上由勃起交歡到射精，平均時間只得3分45秒咁大把，調查同時發現女性多數都希望享受到約23分鐘嘅交歡時間至滿足。咁呢20分鐘嘅差距點樣收窄呢？該媒體表示斯德哥爾摩一個泌尿科研究中心，發覺40位早洩男透過練習提肛運動強化身體嘅PC肌後，有33個可改善早洩情況，交歡時間由平均31.7秒延長至2分26秒，故大家亦可以學習提肛運動增強雄風。
近期日本成為唔少港人嘅旅行目標，更對當地嘅物業有興趣。相信有唔少港男同小弟一樣，心諗日本樓咁抵買，不如順勢去買樓兼娶老婆啦。日本女仔一般都唔錯，對港男嚟講應該唔難搵到個心儀對象，但係日本咁多個縣市，邊個地方嘅女仔最娶唔過呢？小弟就畀少少數據大家參考啦。有日本雜誌訪問咗三千名年齡平均為42歲嘅女性，問到床上對手人數，排名最高嘅係愛媛縣女性，平均有11.5個床上對手，最低則為櫪木縣，平均只有4個對手。另外，問到做愛頻率，每周要一次或以上嘅亦以愛媛縣女性比率最高，故該縣嘅女性被視為相當好性同主動。
為咗推銷汽車，唔少地方都會搞車展，吸引廣大市民入場欣賞同選購。早幾年內地嘅車展吸引大家嘅好可能唔係名車，而係一眾袒胸露臂，甚至着咗衫都好似冇着嘅嫩模。為咗整肅風氣，早前官方就出聲叫車展咪再搵呢類嫩模出場。呢邊冇女睇唔緊要，2015年曼谷國際汽車與改裝展就大把嘢睇。上月尾就係呢個車展舉行之期，當日大會請來好多索到爆燈嘅泰國車模，本身已經相當吸引，咁都未算，大會同時邀請大量日本專業車模，加演一場車模真人比堅尼洗車，兩女身材火辣，個樣又省鏡，嘩！睇真啲，一個係名震亞洲嘅前AV女優瀧澤蘿拉，另一個則係上半年至退出AV界嘅水澤乃乃，唔怪得一舉手一投足都騷味十足，引得班觀眾口水流啦！
撰文：賢