家陣嘅網絡文化就係只要夠膽，就可以成為一時間嘅話題人物，好似台灣有個巨乳索女，表演巨乳彈筆絕技。如果覺得咁都未算有膽識，台灣有人喺網上宣傳泰國荒淫旅行團，問大家夠唔夠膽參加。不過講到最勁嘅，則莫過於俄羅斯有男子竟然用錢誘惑索女街頭露乳，夠膽咁做確係厲害！
台灣早前有條金光布袋戲嘅片段，片中人偶角色凰后憑住乳搖特寫，令觀眾驚為天人之餘，甚至吸引有「I級艷后」之稱嘅巨乳女神洪蓉拍片還擊，聲稱自己對車頭燈比佢更加有彈性。究竟佢點樣證明自己對燈更彈呢？方法就係身穿超低胸衫嘅佢，拎住支原子筆隊落右乳後放手，支筆就好似一支箭咁彈咗出去！本嚟洪蓉拍呢條片嘅目的，係想展現車頭燈驚人嘅彈力，只係一班網民嘅焦點卻落喺原子筆射出後，佢對燈震動嘅驚人視覺效果。有網民表示佢乳搖嘅幅度，比人偶凰后嘅震動更強，亦有人提議不如試吓真係彈支箭出去，效果可能會更加震撼。
夜遊討論區經常見到有人發貼，表示可以承辦異地荒淫旅行團，而呢啲成人之旅一般嚟講都係以地下形式進行，只係估唔到台灣竟有人開宗明義，聲稱可以為玩家規劃泰國荒淫旅行團，認真夠晒大膽！呢個由一個旅遊網站推出嘅「5天4夜泰瘋狂自由行」，全團索價2萬1千台幣（約5,250港元）。雖然佢唔包機票，但卻保證每日從朝到晚光顧泰國浴室、情色按摩、情色PUB等風月場所，並且有泰國專業導遊做嚮導之餘，如果六人同行，仲有一人免費嘅優惠。有興趣嘅男士可根據聯絡電話及聊天ID搵佢哋報名。雖然個團嘅行程夠晒豐富，但唔少網民認為行程對「精」力要求極高，擔心未到第五日就已經精盡人亡。
雖然唔少人都相信有錢使得鬼推磨呢句說話，但現實中係咪真係有錢就乜都得呢？俄羅斯就有名青年，嘗試喺街頭展現金錢嘅誘惑性。佢喺街上隨意挑選女士，並問對方願唔願意露乳或同佢親吻以換取金錢，從而測試佢哋對金錢嘅睇法。咪以為呢種荒誕嘅行徑唔會有女士睬佢，只見片中起碼有4名女士竟答應青年露乳或接吻嘅要求。當中更有一位女士接受「額外條件」，就係即場將所收到嘅銀紙搓成紙球，然後將佢吞埋落肚！條片上傳後，不但吸引超過千萬人次點擊，唔少人對呢種行為熱議。有人認為佢哋係夾埋一齊，有人則認為啲女士太過貪錢，亦有人問點解片中露乳嘅女士都冇戴胸圍嘅？
撰文：魂