大家試幻想有個裸女企喺你面前，突然有個人走埋去用床單笠住佢三點，大家係咪好扯火呢？不過呢個情景不但冇令人氣憤，仲有唔少人讚好，究竟發生乜嘢事呢？話說早前內地有人發現位於河南省鄭州市昆麗河畔一個裸女像，佢嘅三點被人用床單笠住，而據附近嘅居民講，幫佢「着衫」嘅係一位年約20幾歲嘅女人。據聞呢個早喺2011年就已經擺放河邊嘅銅像，由於長期被手多多嘅人係咁摸佢三點，結果搞到呢幾個部位甩晒色，可能有人因此睇唔過眼，於是用床單笠住佢三點。不過又有人話，呢度明明係老少咸宜嘅公共場所，擺個裸女像喺度感覺太奇怪。如果想知佢家陣套床單衫仲喺唔喺度，不妨去睇吓。