手指中嘅食指除咗可以向人指指點點，原來食指長仲代表性慾強。英國有調查顯示，當地近四成妓女擁有學士學位，過半數覺得「工作」有意義。日本援交情況嚴重，有關當局公布上年嘅援交妹數目為前年嘅三倍。
相學一般可分為面相同掌相，掌相當中除咗可以從掌紋睇到玄機，掌形以及手指形狀特徵都可以被解讀。早前，加拿大有大學就對人類嘅食指進行研究，發覺食指同性慾有關。研究搵到一千人幫手，發現食指比無名指長嘅女人較注意儀表，鍾意用特別嘅香水，愛佩戴珠寶首飾，亦鍾意為愛侶送上浪漫嘅禮物，總之就係熱烈為心儀異性付出，而且仲有更強烈嘅性慾。負責調查嘅博士指女性喺出生之前吸收女性賀爾蒙多，食指就會較長，而女性賀爾蒙喺女性出生之後亦會處於較高水平，令佢哋追求異性嘅慾望以及性慾較強烈。
好多人都覺得淪落風塵嘅女仔身世可憐，仲認為佢哋因為學歷低，搵錢少，為咗養家養仔而下海忍受屈辱，事實上並非如此。根據英國列斯大學進行嘅調查顯示，英國嘅性工作者38%擁有學士學位，學歷水平絕對唔低；70%正職為教育工作、慈善團體工作及健康護理；91%覺得性工作嘅性質較有彈性，方便其餘時間搵錢。咁樣佢哋又覺唔覺得羞家呢？56%受訪者表示覺得工作有意義喎。之不過，呢份工對佢哋嘅安全就唔多好喇，因為36%受訪者接過威嚇電話同訊息，另外仲有47%曾係罪案如搶劫、非禮嘅受害者添。
如果大家去過日本嘅夜遊勝地歌舞伎町，就會發覺夜店林立，令人眼花繚亂，若然要每間都入去睇一睇女仔，相信三幾日時間都未必夠。除咗夜店，透過網絡援交接客嘅女仔都相當多，為咗改善情況，日本警方就實施咗一個叫做網絡輔導嘅計劃，由警員扮成網民同活躍於網絡世界嘅女仔接觸，最近就發表咗一個「業績」報告。上年警員同804個女仔透過互聯網接觸，當中有76%係高中生。眾多女仔當中就有353人透過社交網絡進行援交，比起2013年同類計劃當中嘅125人上升近兩倍，情況令人擔心。
撰文：賢