喺好多人觀念中，日本嘅十八禁漫畫家都係男人，呢個觀念其實有啲以偏概全。皆因現役成人漫畫家不乏女性，當中更有甚多唔可以錯過嘅作品，好似今次介紹由人氣十八禁女性漫畫家Mikokuno Homare推出嘅連載作品《瑪莉亞的AV挑戰日記》，就係一個好例子。
女性十八禁漫畫家雖然身為女性，不但冇令男讀者覺得突兀，反而因從女性角度出發，往往畀到大家與別不同嘅感覺，配合男人點都想像唔到嘅女性心理，令男讀者睇起嚟更加有層次感，而呢位Mikokuno Homare就係憑住呢點獲得超高人氣。愛知縣名古屋出生，現居於九州嘅佢，成人漫畫界嘅資歷相當深，早喺2001年出道，並於2002年推出首本單行本作品《瑪莉亞邁向夢想的第1步》，而呢本漫畫至今仍在連載當中，足見人氣幾咁高。此外，佢又喺十八禁漫畫月刊《COMIC CanDoll 》、《漫畫Bangaichi》、《月刊KiSSCA》等發表作品。不過咪以為呢位擅長繪畫可愛女性、含蓄床戰同愛情故事嘅漫畫家，只係識得畫成人漫畫，其實佢間中亦會推出少女同搞笑四格漫畫，係個相當多元化嘅漫畫家。
作為一位資歷深厚嘅成人漫畫家，佢嘅代表作相當多，只係講到呢排嘅話題作，則要數呢本自去年5月初推出，至今已連載到第17集嘅《瑪莉亞的AV挑戰日記》！據作者講，為咗令漫畫更具真實性，佢先後採訪過多位女優取材。故事講述女主角化名為櫻瑪莉亞，原名為田中禮香嘅好色美少女，由於佢性慾相當旺盛，又因為缺錢關係，故此投身AV界。本嚟佢開始時諗住只係做個打雜，卻因為佢身材玲瓏浮凸，加上喺現場睇見男女優床戰，慾火按捺不住下就咁成為AV女優。故事從第一卷講佢點樣面對處女演出，到後面為咗提升床技而努力，跟住再面對野戰、鹹濕男對手、混浴風呂等挑戰，甚至講佢點樣同新相識男友解釋工作等問題，作者以輕鬆搞笑得嚟，又充滿內心剖白嘅方式描繪出女優嘅工作。
作者：Mikokuno Homare
出版：Core Magazine
撰文：魂