唔少歐美脫星都話色情界係不歸路，成功嘅少，失敗係正常，名氣更隨住年紀愈大而下降，因此未諗清楚千祈咪亂入行喎！之不過Puma Swede就用行動話你知事實並非如此，有波哋加上食腦，即使人老咗，唔使落床一樣大把錢搵，最近Puma姐就成立個人情趣用品品牌，榮升做老闆娘喇！
能夠捱到熟女都仲咁多人Like經已唔容易，依然有心有力，誓要喺事業再創高峰，Puma Swede呢種精神好值得各位學習！來自瑞典嘅Puma，遠赴美國搵食，由2005年剝衫拍四仔至今10年，先唔好理佢家陣相頭同波哋都走下坡，但佢嘅敬業樂業精神深受四仔迷敬重。喺2012年Puma推出自傳，外界以為佢砌多幾年就收山享福，點知阿妹最近宣布推出個人情趣用品品牌Frejya Toys，榮升做老闆娘，恭喜晒！咪以為Puma姐玩玩吓，記得上年喺本地舉行嘅亞洲成人博覽會，阿姐佢唔係以表演嘉賓身份出現，而係以買家來港參與活動，當時佢拒絕傳媒採訪，原來早就為情趣用品生意做資料搜集及搵生產商而鋪路。目前Puma一共推出咗4款玩具，全部都係畀女性使用，分別係子彈仔震蛋、戒指震環、震棒及兔耳震棒，全部係女人最受落嘅桃紅色，相當鮮艷，好睇又好用。
值得一讚嘅係Puma姐今次好有Heart，事關佢唔係同生產商合作推出玩具呃一水就算，而係自己揼本出錢出力，希望推出嘅產品能夠帶畀用家驚喜。
講開脫星推出情趣用品，其實Puma姐都唔係第一人，早前蜘蛛女Bonnie Rotten就同生產商Doc Johnson合作推出一系列性用品，由紋身貼紙到倒模名器及噴水J杯都有齊，產品非常全面，報稱由Bonnie親自監工，每一件產品嘅質素都唔曳。另一位低調脫星Tasha Regin，早喺2013年推出七彩毛毛後庭塞，Tasha姐更打盡「友情牌」邀請多位姊妹上陣拍廣告，該產品到依家都有售呀！但最食腦睇怕都係「印度巨星」Sunny Leone，阿姐離開美國四仔界後，就成立情趣用品網站「imbesharam.com」，憑住個人名氣，將美國色情文化帶返家鄉，佢所謂嘅情趣內衣系列款式普通到冇朋友，不過由Sunny姐親身上陣做Model，佢嘅粉絲點會唔撐吖！
撰文：祖