打茄輪係感情交流，邊有得話專業培訓？不過想變身調情勝手，尤其係男人，茄輪禮儀絕對有需要鑽研一番！就如今期暢銷書《Kissing A Field Guide》著名作家Violet Blue 簡介第一句：Kissing is an art form。即係茄輪的藝術啦！對茄輪有追求嘅男女應該喺對手面前已有全盤計劃，點先可以令對手興奮，點樣控制大局，點樣令對手留下美好回憶等等。而該書就講解與不同對手初吻技巧，身體如何配合，進階就講點樣茄得勁、條脷要點扭點轉、如何邊茄邊觀察對手反應，以及甚麼時候要進入下一步。坦白講，打茄輪就好難有標準嘅，好定壞都係睇對手，但作為一本參考書，知己知彼都唔會衰得去邊！