每次介紹外國嘅人氣脫衣舞夜店，總係離唔開啲艷舞女郎有幾索，個場又有幾咁正，查實佢哋嘅賣點係咪得呢兩味？梗係唔係啦！好似呢間位於捷克布拉格嘅人氣艷舞夜店Neon Club，就係一個好例子。作為人氣熱點，店內嘅女郎質素固然唔使講，只係講到佢嘅環境確實係掂。
首先講吓呢間夜店嘅裝修，共分為三層，一樓為以鮮艷顏色營造出嚟嘅大廳同酒吧區，玩家可以喺呢個極具風格又相當醒目嘅環境中，享受艷舞女郎嘅火辣演出，並且同佢哋摸杯底談心；二同三樓則為全店嘅重點套房專區，超過20間嘅套房不但設備齊全，各具特色嘅設計更喺用色上睇得出設計師嘅用心，就連床同按摩浴池等都各有不同，令玩家每次入房都有唔同嘅體驗，得到唔同嘅回憶。
撰文：魂