AV達人:毒男電影癡製作四仔Cult片

爭咩吖!溝埋一齊做鹹濕Cult片啦!男人鍾意睇Cult片,更鍾意睇鹹片,於是美國有位毒男將興趣變成事業,將多年來喺大銀幕上映嘅經典Cult片改拍成四仔,結果大受歡迎,真係好睇過大廠Vivid Entertainment同Wicked Pictures出品嘅高成本惡搞片多多聲!

集資拍片

網友鍾意惡搞,四仔片廠更愛惡搞,但都唔及Tarantino XXX嘅惡搞作品咁受歡迎!事關呢位新進四仔導演極愛Cult片,除咗歐美片,連香港70年代嘅武俠片佢都Like!呢位四眼毒男Tarantino XXX早前接受成人網站「Die Screaming」訪問時,自爆係一名電影癡,由細到大乜嘢電影都睇,每次睇Cult片最雀躍,記憶亦最深刻。當然Tarantino XXX係男人,睇四仔係指定動作,結果兩年前佢腦海出現一個諗法,假如集世界各地Cult片經典場面拍成色情版,外界一定好受落,跟住Tarantino XXX就決定喺一個專為籌集資金拍四仔嘅網站「cumfundme.com」集資,成功開拍四仔Cult片。

由毒男搖身一變成為獨立四仔監製兼導演,Tarantino XXX喺訪問中話一啲都唔辛苦,因為可以將興趣變成事業,加上「有心人」捐助,令佢更無後顧之憂拍四仔,唯一擔心係冇脫星肯陪佢癲,但事實係原來好多脫星都感興趣,雖然係二線脫星居多,但係佢哋嘅表現去到盡,令佢非常滿意。

付費「單撈」

Tarantino XXX開設專屬網站,將拍好嘅四仔Cult片掟上網畀會員付費「單撈」,雖然大部分Cult片巴打都未必識,但幾套經典電影你一定睇過,好似《危險人物》惡搞成《Pulp Fiction XXX》,《Kill Bill》變成《The Bloody Masturbation Scene》,不過最過癮一定係將香港邵氏公司出品,由張徹執導嘅一部武打電影《殘缺》變成《The Game Of Sex》囉!Tarantino XXX將原裝海報惡搞成X級創作,導演張徹及演員陳觀泰、羅莽等大名仍然保留,只係男演員大頭相就變成脫星艷照,唔少粉絲勁Buy佢嘅創作。Tarantino XXX承認,目前嘅製作,基於人手及資金有限,四仔封面、場景及服裝等盡量跟足原著,希望將來有機會將整套Cult片改拍成四仔咁就完美喎!

撰文:祖