咪以為艷舞夜總會係男士嘅勝地，其實當中有好多深受男女歡迎，就好似位於荷蘭鹿特丹嘅著名艷舞夜總會Club OQ，就係一個備受男女追捧嘅夜店。呢間位於市中心東部嘅夜店，每晚都吸引唔少男女到臨，除咗因為佢收費唔貴，交低25歐元（約212.5港元）嘅入場費後，不但可以獲得三杯飲品，並且可以欣賞大廳上演嘅精彩艷舞表演，以及獲得同場內索女閒談嘅機會。有人話同索女傾偈係男人嘅樂趣所在，咁女士又有乜嘢樂趣可言呢？原來舞台上除咗有火辣艷舞女郎演出外，為滿足入場女士嘅需要，佢哋更搵嚟健碩猛男表演，仲會拉埋女士上台客串，果真係男女都玩得咁興奮！此外，店內仲設有特色私人套房區，供有興趣嘅男女可以喺唔同設計嘅房間內短聚一番。