隨着社會不斷進步，兩性思想亦愈嚟愈開放，婚前性行為再唔係乜嘢罪大惡極嘅事，但不同人就有不同嘅取向，十二生肖中對婚前性愛最放得開嘅，究竟係邊啲生肖呢？今日就搵玄學大師嚟分析一下，巴打們千萬要留意呀！
師傅話屬雞嘅朋友比較反叛，而且思想開放，行為前衞，好多人都認為係禁忌嘅事，佢哋都好想去衝擊一下，如果阿媽成日叫佢小心男人，唔好畀人呃，佢哋就會包拗頸，細細個就走去拍拖，而且係要被人呃至開心，同時佢哋表達愛情嘅方法，亦十分大膽前衞，往往唔理後果，愛咗先算，就算要發生關係，佢哋都會唔理後果，做咗至算，所以絕對係婚前失身嘅第一位，遇到好男人婚姻還算可以，但如果遇上壞男人咁婚姻就會波折重重，失敗收場！
天生喜歡享受人生嘅屬猴朋友，平時生活已經夠晒多姿多采，乜都夠膽去玩去試，到佢哋遇上白馬王子或者真命天子時，佢哋更唔會收埋自己，只要另一半有要求，佢哋都會全部奉上，而且只要另一半喺性事上表現出色，令佢欲仙欲死，佢哋話唔定更會不能自拔，一直追住享受落去，久而久之，話唔定仲會倒過嚟主動要求添。所以論開放程度，只僅僅輸畀屬雞嘅朋友半個馬頸位，而且屬猴嘅朋友，做嘢永冇後悔，失身就失身，從未有驚過呀！
天生多情嘅屬羊朋友，佢哋為咗愛情可以付出一切，而最直接嘅方法就係以性嚟維繫愛情。屬羊嘅朋友特別係囡囡思想都十分單純，只要覺得呢個男朋友可以付託終身，佢哋就會乜都信晒對方，將錢呀！命呀！連貞操都會第一時間交晒畀對方，希望對方因此而信守承諾愛佢哋一生一世，你話以前囡囡同你私定終身，做男人嘅一定會遵守信用啫！但今時今日，仲有冇人同你講信用呀！所以屬羊嘅囡囡往往都會賠了夫人又折兵，情路上不斷做失敗者！
異性運：鼠、龍、羊
桃花運：牛、虎、猴
和合運：兔、馬、豬
撰文：小德
玄學提供：寶源師傅