兩夫妻同衾共枕幾十年，但原來太太同時跟三千名男人上過床，你係佢老公，問你會點？未婚囡囡接新娘花球46次都嫁唔出，係好運定唔好運呢？有兩性專家指出，有四種囡囡好易淪為男人嘅「後備情人」，一定唔好錯過！
英國有位63歲嘅老太太爆料，話佢曾同3,000個男人發生性關係，但佢並唔係妓女，而係一名家庭主婦，而最不可思議就係佢老公竟容許呢件事發生。呢位老太太講佢28歲前都十分純情，只得佢老公一個男人，後嚟老公要求玩「換妻」遊戲，初時當然拒絕，後嚟喺老公嘅游說下終於玩咗一次，但自此上咗癮，佢話35年內一直熱衷呢個玩意，平均每星期最少同兩個男人發生關係，據講家陣都仲有玩，但佢同老公仍然十分恩愛！巴打，你哋接唔接受到呀？
相傳未婚女子接到新娘子拋出嘅花球，就會把幸福快樂感染呢個女子，讓佢好快就會嫁得出去，但美國猶他州嘅一位囡囡，佢喺過去18年嚟，出席過80場婚禮，接過新娘嘅花球一共46次，可以話認真好彩！但佢始終嫁唔出去，所以都唔知係好運定唔好運，但佢一啲負面心態都冇，反而覺得自己接過咁多次花球係好運，日前仲向健力士紀錄大全申報，話自己係全球接得花球最多嘅女士。咁多年都嫁唔出去，思想都仲係咁正面，抵頒個獎畀佢啦！
最近有兩性專家撰文，指出有四種囡囡好易成為男人嘅「後備情人」，巴打們不妨留意身邊有冇咁嘅異性！第一種係缺乏自信和主見嘅囡囡，佢哋乜都聽晒男人話，只要甜言蜜語一番，自會乖乖聽話；第二種係母愛氾濫嘅囡囡，佢哋明知男人犯錯都會企喺佢哋身邊，希望他朝有日個男人會回心轉意；第三種係唔識拒絕嘅囡囡，佢哋從不Say No，最易畀人食住上；最後一種係舊情難捨嘅囡囡，就算男人傷害佢多少次，佢都放不下呢個男人，冇得救！
撰文：小德