呢期至Hit嘅話題，非電影《格雷的五十道色戒》（Fifty Shades of Grey）莫屬，無論行街搭車食飯定上網，總會有人喺度討論，你冇睇過就唔夠In。至於色情界亦不遑多讓，脫星、四仔、鹹網，甚至成人玩具商都喪抽水，齊齊玩謝格雷。
以性學者自居嘅脫星Jessica Drake，近年最鍾意扮教授拍片，又到各大學校演講，今次更誇張，以資深性愛教授身份，夥拍情趣用品網站「Sunset Novelties」舉行「50 Shades Of Drake」座談會，其中有一個環節由現場來賓提出愉虐問題，而Jessica就負責解答。Jessica話當日本來係宣傳佢部新作《Jessica Drake's Guide To Wicked Sex: BDSM For Beginners》，目標觀眾都係有意嘗試玩愉虐嘅巴絲打，點知來賓提出嘅問題相當火辣，即使身經百戰嘅Jessica姐都難以解答，因此阿姐決定推出性學書幫助淫民，嚟緊仲會加開幾場講座滿足同好添！
另外，成人網站「Sssh.com」早前舉辦「Sssh50 Contest」座談會，參加者只要肯上台大爆愉虐經過，而又講得精彩的話，就可以得到《Fifty Shades of Grey》小說，係咪好想要呢？
掠水就扮善心，不過都唔及四仔片廠DDF Network咁過分，趁電影上映，佢就推出《Beyond 50 Shades》網上版四仔，表示內容應有盡有，包括綑綁、乳膠、打籮柚以及戀物等，又話以極悍手段招呼囡囡，絕不手軟！點知個個睇完之後都彈冇料到，根本同以往嗰班脫星玩開嘅愉虐遊戲一樣，完全無新意囉！講開片廠，New Sensations都唔同《格雷》客氣，新作《The Submission of Emma Marx》擺明係照抄，由Penny Pax及Riley Reid兩大薄身索女擔正主角，講述佢哋玩愉虐玩上癮，愈玩愈激，最後不能自拔。
最後美國成人用品龍頭公司「California Exotic Novelties」亦嚟抽水，10年前已經推出綑綁式愉虐玩具，更喺唔少四仔都出現過，最近推出愉虐產品新系列名為「Scandal Collection」，CEO Susan Colvin喺傳媒面前讚到呢個系列天上有地下冇，聲稱採用最優質靚料製造，加喱士包邊，並考慮用家安全性，更要顧及產品吸引力，誓要令愉虐遊戲提升到極樂層次。唉，講就無敵，查實咪又係熟口熟面嘅手銬同皮鞭，唔見得有咩特別囉！
撰文：祖