L姐姐的鳳樓開在舊區，因為收費合理，人客還真的頗多。她玩玩手作仔是二百五十元，全套是四百元，對，四百元看上去並不是平霸，不過她可以提供的服務可不少，無論是否做得齊都好，她的服務清單，就包括了手、口、冷熱、推拿、排毒、波推以至各式各樣的制服、易服、絲襪等，單看這些項目，當然能夠吸引一班慾海飢民了，「唔止o架，個女好叻搞市場推廣，所以網上討論區好鬼多Report。」同事說她的Report中其實不是全部都涉及利益關係，即係真的有人自發為她交報告。
「原因？」我問，「條女好鬼醒o架，除主動出聲搵熟客寫吓，仲畀人影相，咁佢梗係會出聲叫個客唔好出佢個樣啦，但性感就無問題，啲客影影埋埋一堆相，返到去都唔好意思唔寫Report啦。」事實是，多數姐姐都很抗拒給客人拍照，但現在的拍攝器材那麼普遍，又如此輕便，要偷拍，真是輕而易舉，「啲姐姐怕個樣曝光，會畀自己親朋戚友認到，一般都唔肯畀人影。呢個姐姐唔同，佢覺得反正都畀人影，不如自己出聲，起碼可以控制吓。」
撰文：黃韋龍