巴打們真係要小心，手機有陌生囡囡主動找你聊天，可能係女友設下嘅死亡圈套，玩交友軟件時真係要帶眼識人呀！台灣男士喺台灣不受歡迎，究竟點解？英國有間託兒所專為成人而設，而且仲有「媽媽奶」供應添！
內地物網站最近有人推出「渣男殺手」嘅服務，你只要輸入男朋友嘅通訊方法，對方就會扮成陌生女士試吓和你男朋友聊天，如果對方上釣，就會加多兩錢肉緊，講啲唔正經嘅話題，甚至表白要和對方一齊，好多人不虞有詐，百般討好，甚至講自己女朋友嘅壞話，於是所有犯罪證據都會一五一十咁交晒去女朋友手上，真係隨時命都冇呀！而且上當機會十分之高，最攞命係收費只需一百大元，好多囡囡都報咗名，巴打們真係要小心陌生囡囡呀！
有土耳其男士喺台灣五年竟和五百個囡囡上床，成為城中熱話，難道台灣女士真係咁崇洋？近日有媒體訪問咗個台灣囡囡，佢除咗有台灣男朋友外更有三個外國男友，問佢兩者有乜分別？佢話外國男仔溝通好仔細，台灣男仔反而大家用母語，講一兩句就以為明晒，而且對性要求上好怕醜唔得直接，最重要係過程中唔識得享受，所以定論為台灣巴打跟外國人冇得比！真係聽者傷心，聞者流淚！香港嘅巴打們，集中西文化於一身，咪輸畀人呀！
唔知巴打們有冇人仲嚮往嬰兒時期嘅感覺，如果有嘅話英國有間「成人託兒所」可能幫到你，佢哋專為18歲以上嘅朋友服務，令佢哋可以重溫嬰兒時被人照顧嘅日子，例如洗白白、塗潤膚油、着尿布、睡加大號嬰兒床，床頭上當然仲有音樂風鈴，而最估佢唔到，客人仲可以食埋奶奶，如果想食母乳，呢度一樣有供應，但大家請放心，佢哋打開門口做生意，過程不包色情成分，收費一小時要75英鎊，為起嚟約九百港元，過夜和食母乳就要額外收費！
撰文：小德