一年容易又新年，新曆年過咗，話咁快舊曆年又到，每年一到呢個時候，又係囡囡勤勤力力上班，搵定過年錢的搏殺期。這天跟同事踩上旺角一家上樓小型桑拿，跟負責人聊起市況，他最先說的，就是這陣子公司的女孩都好齊人，無乜人告假咁話，「早幾個月旺角啲場靜到拍晒烏蠅，即使啲女日夜浦晒喺度，都無乜客上嚟，依家情況好啲，又加上年尾流流，大家都急住搵錢，咪咁多女返嚟囉。」負責人說，運動完後，生意已經稍為回升，所以女孩們都更加勤快。
「咁嚟緊有咩新搞作先？話晒新一年啦喎。」我問，負責人卻想也不想就搖起頭來，「無，可以做啲咩？你估以前咩？呢幾年喺香港搞場，你太高調咪盞死，唔會有新嘢啦，打開門做生意，唯有踏踏實實，希望招多啲靚女返工，做好啲服務，多啲回頭客就如願啦。」不搞新動作，囡囡呢？眼見他們手上批骨女，幾乎有一半是「老弱殘兵」，人客入到房間伸手不見五指當然問題不大，但我現場看，的確是有一點礙眼的，「喂，老實講，後生女邊肯做骨妹呀？唔怕辛苦咩？」
撰文：黃韋龍