Free啲夜蒲 ：非一般夜生活耍樂

如果想一次過享受美味嘅食物同欣賞艷舞演出，有邊間夜店可以滿足咁嘅願望？紐約著名艷舞夜店Scores一定可以。佔地超過7,500平方呎嘅大型綜合性娛樂夜店，總共分為三層嘅佢為玩家帶嚟眾多嘅娛樂選擇，當中有香檳酒廊、牛扒屋、酒吧、私人娛樂廂房等，配合埋一眾睇得又跳得兼且熱情好客嘅艷舞女郎穿梭其中，唔難想像呢間創業超過20年嘅夜店，點解多年嚟仍係紐約首屈一指嘅男士娛樂熱點。