咪以為男人只係鍾意睇波，其實圓渾嘅美股亦深受歡迎，美國更有調查指，當地男士認為美臀嘅魅力比車頭燈更大，難怪美國就有個索女憑住行「股」惑，令佢嘅人氣直線飆升啦！呢位擁有超過300萬個臉書追隨者，喺Instagram上有超過450萬人追蹤嘅21歲美股索女，個名叫做Jen Selter。
咪以為佢專登操到自己咁Fit，目的係擺啲相上網從而引到班男人流晒口水，情況恰好相反。據佢講，佢當年高中畢業後去咗健身室做接待員，乘工作之便日練夜練，慢慢練出纖腰同美臀。佢表示從未諗過自己嘅自拍相，可以引嚟咁大回響。家陣佢不但獲幾間公司聘請做商業代言人，更搞埋健身服裝生意，同時因為爆紅關係，佢依家只會到私人健身室健身以免被騷擾。老實講，啲相擺晒晒籮甫士兼着得咁養眼，係咪真係冇諗過要引人注意呀？
網址：http://instagram.com/jenselter
撰文：魂