早年日本有部漫畫叫做《進擊之巨人》，故事講入面嘅世界被巨人佔領，仲以人類為食物，認真得人驚！而喺日本賽車女郎界，有「進擊之女豹」稱號嘅青山美紀一樣得人驚，不過係因為佢身材四正，散發出濃濃嘅野性美加上艷麗氣質，索到得人驚！
喺日本拍水着寫真嘅女星，好多都以豐滿身材配合雪白肌膚為賣點，不過間唔中都會出現一身古銅膚色嘅陽光型女優，仲往往得到萬綠叢中一點紅嘅突出效果，好似曾經紅極一時，家陣就冇晒消息嘅次原加奈。雖然大家唔能夠再欣賞到加奈嘅朱古力G奶，但要搵一擁有野性黝黑肌膚嘅一等一寫真女郎其實唔難，近期人氣急升中嘅青山美紀就係其中一位。今年26歲嘅青山美紀打扮冶艷，媚態萬千， 一雙明眸電力十足又夠狐媚，畀佢電一電即時腳仔軟。令人雙腳有軟麻之感嘅地方，仲有佢嘅一副火辣身材。美紀身材弗爆，體態苗條，雙腳修長又美觀，胸前仲有一對E-Cup美巨乳，加上一身黝黑肌膚盡帶野性，一睇就知係戰鬥格，要征服佢難度極高，不如放軟手腳乖乖畀佢征服好過。
點解要乖乖畀美紀征服？其實係為我哋着想，因為佢除咗精通舞蹈，更加係柔道黑帶，想同佢鬥？冇番三五七年武功根底都接唔到佢兩招啦。不過，美紀本身係好斯文嘅，四年前未做賽車女郎仲係斯文嘅辦公室女郎，後來經熟人介紹，面試做賽車女郎並獲得取錄，憑美貌同身材而漸漸廣為人們熟悉，上年更加贏得業界中最高榮譽嘅「Race Queen•of•The Year 2012-13」，成為一代賽車女郎天后！奪獎原因除咗美紀嘅外在美，仲因為佢成日於賽車場瞓身演出，最拿手就係伏低身作獵豹姿勢，每次都炮製出倒奶同露底場面，成為全場焦點，因此被稱為「進擊之女豹」！得獎之後，美紀亦漸漸得到藝能界欣賞，近期演出嘅綜藝節目就有《一夜附上》等。
青山美紀近期工作量大增，除咗密密出寫真DVD，仲同班賽車女郎姊妹四圍演出，想知道美紀最近又忙於邊一項活動，就要密切留意其博客喇。
網址：http://ameblo.jp/megu-aoyama/
年齡：26歲
身高：5呎5吋
三圍：34E-23-34
撰文：賢