漢堡包店賣乜嘢？咪玩啦！叫得咁嘅名就知佢一定係賣漢堡包，最多咪賣埋薯條囉！不過呢間位於丹麥首都哥本哈根嘅漢堡包店Hot Buns，卻係一間名副其實嘅美「色」漢堡包店，搵嚟一班背心、熱褲索女侍應招呼食客之餘，每到夜晚更化身兼賣情趣用品，充分體現食色性也嘅真諦。
據該店老闆Mathias Kaer解釋，佢只不過係帶領餐飲嘅潮流，事關佢覺得每到夜晚人嘅腦只會諗兩件事：食同性，為此佢決定將兩種元素合而為一，既搵嚟索女招呼大家，更賣埋情趣用品。當然，間店做得咁出位又有噱頭，自然有唔少衞道之士批評呢種做法，只係話說回來，呢度嘅漢堡包究竟好唔好食，而啲情趣用品又好唔好玩呢？呢點好似冇人提及喎！
撰文：魂