正所謂「秋風起三蛇肥」，雖然食蛇唔係個個人Like，但講到慾海辭典中同蛇及Snake有關嘅嘢時，相信可以引起大家共鳴之餘，仲可以眼界大開。想知當中有乜嘢事物係同蛇有關，不妨嚟個撥草尋蛇啦！
「Philly」係美國費城（Philadelphia）嘅簡稱，而「Philly Cheese Snake」莫非同費城有關？呢個推理係正確嘅！佢其實係牛郎夜店嘅一種玩法，牛郎先會喺自己嘅兵器上搽上芝士、忌廉或蜜糖等材料，然後將佢「獻」畀在場女士，等佢哋可以品嘗箇中滋味。不過點解佢會同費城扯上關係呢？須知道牛郎夜店又唔係得費城至有。原來費城有道叫做「Philly Cheese Steak」嘅芝士牛扒美食相當出名，有人覺得佢嘅賣相同牛郎呢種玩法嘅外形好相似，因此就以呢道菜名嚟命名，只係個樣係咪真係咁似就真係見仁見智喇！
咪以為「Flying Sex Snakes」呢句俚語嘅意思好簡單，照字面譯佢做識飛嘅性愛之蛇就得，查實佢真正嘅意思係指好長好長嘅男士如意棒。究竟乜嘢人可以用呢個詞語嚟形容佢支如意棒呢？喺1988年3月13日因愛滋病逝世嘅美國傳奇四仔男脫星John Curtis Holmes就一定得！呢位喺1944年8月8日出生嘅脫星，先後用過John C. Holmes同Johnny Wadd兩個藝名，而佢從70至80年代嘅演藝生涯期間，總共演出超過2,250套四仔，而佢著名作品分別有《深喉》同《無邊春色綠門後》。賴以成名嘅除咗佢出色嘅演技外，仲因為身高6呎2吋嘅佢，擁有進入作戰狀態下長達13吋半嘅如意棒，呢支極長兵器名副其實係「Flying Sex Snakes」！
由美國著名四仔片商Hustler喺1985年推出嘅《Snake Eyes》，以超密集兼火辣辣嘅性愛場面，成為四仔嘅經典作品之一。事實上，呢套作品當年認真陣容鼎盛，事關佢請嚟四仔名人堂導演Cecil Howard執導，又搵嚟當年當時得令嘅四仔紅星Laurie Smith、Jerry Butler、Rikki Harte等坐鎮，以錯綜複雜嘅情慾同情感關係，超乎想像嘅官能場面帶到四仔迷眼前。難怪甫推出即賣斷市之餘，男脫星Jerry Butler憑住呢套作品喺1985年嘅AFAA同XRCO兩個四仔頒獎禮中獲得最佳男主角大獎，而導演亦喺1986年AVN頒獎禮中榮獲最佳導演大獎。
唔少四仔為咗提升官能刺激，都會搵番條蛇嚟客串，只係須知道部分蛇係有毒，縱然有人飼養仍難改佢嘅野性，而著名男脫星Billy Glide就身受其害。話說呢位喺1970年7月25日出生嘅脫星，從1995年出道就憑住健碩身形火速走紅，先後演出超過1,000套四仔。不過喺今年嘅5月25日，網絡博客Mike South指佢畀響尾蛇咬中後中毒身亡，而佢嘅四仔演員好友Alana Evans其後亦證實Billy Glide嘅死訊。不過關於佢被蛇咬嘅原因就眾說紛紜，有人話佢係喺演出時畀蛇咬傷，亦有人表示佢只不過係挪動毒蛇時被咬，究竟當中原因係乜，睇怕只有當事人至知。
蛇縛又稱為龍縛，呢兩個詞語嚟自日本，意思即係愉虐綑綁咁解。據佢哋解釋，由於綑綁時嘅繩好似游走於身上嘅蛇或龍，故此得到呢個名字。其實以綑綁為主題嘅情色電影唔係家陣至有，早喺日本粉紅電影盛行嘅70至80年代，就已經有大量相關嘅作品。不過講到當中嘅蛇縛大師，就非著名日本小說家、編劇、電影製片及演員嘅團鬼六莫屬。1931年9月1日出生，原名黑岩幸彥嘅佢從關西學院大學法學部畢業後，便從事文藝創作工作，著名作品分別有《花與蛇》系列及《黑薔薇夫人》。由於佢嘅小說充斥大量綑綁情節，因而得到「蛇縛帝王」嘅稱號。
如果用蛇舌婦人嚟稱呼某位女士，大家一聽就知道唔慌係好嘢，同樣係蛇舌而用喺日本AV女優身上嘅話，卻係對佢床技嘅一種肯定。事實上，日本AV界會以蛇舌嚟形容舌技精湛嘅女優，而講到當中嘅代表人物就非立花沙耶莫屬。喺1989年9月18日東京出生嘅佢，喺19歲時就以S1專屬女優身份投身AV界，並且打住水着女優轉籍嘅旗號亮相。事實上，喺成為AV女優前，佢以平山紗妃之名喺寫真界搵食，名副其實係模特兒出身。不過講到佢嘅專長就厲害，就係一條勁到可以幫車厘子莖打結嘅脷。試諗吓，如果用呢條靈蛇嚟幫男優吹奏嘅話，係咪好正先？不過佢喺今年3月初宣布因私人理由引退，以後再冇機會欣賞佢新嘅演出。
撰文：魂