外表不代表一切，好多西裝骨骨嘅斯文人骨子裏不知幾咁奸狡；而外表可愛活潑嘅女仔，內裏好可能係…… 一隻小妖精，就好似伊藤優衣呢位炙手可熱嘅藝能界超新星咁，其可愛嘅面孔之外卻係個相當大膽，能夠令男人生起無限慾火嘅女仔！
日本水着界多年來都有好多豐滿又火辣嘅巨乳尤物，以無敵巨乳誘惑大家嘅眼光，好似小池榮子、MEGUMI、根本春美到家陣嘅今野杏南、星名美津紀、杉原杏璃都胸前偉大。然而，要令男人產生遐想，脹卜卜又堅挺嘅肉球唔係必需品，就好似十年前風靡一時嘅小倉優子就唔使巨乳，以雪白而嬌小嘅胴體配上天使一樣嘅面孔而迷死水着迷喇。雖然家陣優子已經鮮有露面，更加冇拍寫真，但係佢後繼有人，呢位就係今日為大家介紹嘅伊藤優衣。今年20歲嘅優衣樣子清新俏麗，活潑可人，面上雖然仲有少少Babyfat，但係咁就令阿妹更添幾分純真稚氣。我就最鍾意阿妹佢嘅長長黑髮以及甜美笑容，睇落好似返到中學時代，見到斯文又靚嘅女同學一樣。優衣嘅身材同個樣都好似有少少未發育，但勝在雪白鮮嫩，嬌小卻又苗條，搔首弄姿嘅時候都有幾分誘惑感覺。
2009年優衣喺原宿行行吓街，被星探發掘，從而進身藝能界發展。出道以來，優衣嘅星途可謂相當順利，因為佢出道第二年就搵到機會演出一齣重量級電影大作，由松隆子主演嘅《告白》。優衣嘅演出雖然唔係話非常惹人注目兼搶鏡，但係演技卻備受認同，往後爭取到更多演戲機會，其電影作品包括《愛與誠》、《新大久保物語》以及即將喺日本上映嘅《偶像戰記》等等，可見優衣儼如電影界嘅超新星。另一方面，從舞台劇以及電視節目都可以見到優衣，早前上演嘅舞台劇版《美少女戰士》就有佢份喇。優衣演出電影同舞台劇多數都係以可愛清純形象見人，之不過佢喺寫真DVD當中就唔同講法，除咗鍾意着住極細碼嘅泳裝大露胴體，仲玩埋濕身誘惑、張腿露出三角地帶等危險動作，作出如斯猥褻行為而面上卻又天真地展露笑容，成隻令人又愛又恨嘅調皮小妖精一樣。
年齡：20歲
身高：5呎1吋
三圍：30-21-31
伊藤優衣成日都會將自拍照放上博客同大家分享，從其自拍照當中可以見到阿妹佢調皮兼愛扮嘢，認真有演戲潛質。
網址：http://ameblo.jp/ito-yui-blog/
撰文：賢