就算話畀大家知英國村莊Puttenham，位於倫敦嘅西南面嘅Guildford，相信唔查地圖都唔知佢實際位置，只係對英國車震迷嚟講，佢卻係個著名車震勝地！原來呢個地方每年吸引眾多車震迷喺度偷歡，甚至有專門網站介紹呢條村邊度車震最好玩，當中尤以當地嘅露天停車場更係熱點，熱鬧嘅程度遠超香港嘅飛鵝山多多聲。
佢之所以成為車震勝地，據講係同多年前嘅一篇網上熱門鹹古有關，當年呢個鹹古就以呢條村作為車震古仔嘅背景，結果搞到唔少人慕名而嚟一嘗車震滋味。不過對居住喺度嘅2,500個村民嚟講卻不勝其煩，事關佢哋夜晚總會見到路邊嘅車喺度震，有人覺得應該限制外來人使用公共停車場、綠化地、公園等設施，有人卻覺得愈禁愈係多人嚟，倒不如闢個地方等班車震迷玩餐飽又唔使擾民喎！
撰文：魂