做慈善就話淋冰，咁做愛呢？梗係淋油啦！因為玩油可以兩個人齊齊爽，不論歐美日韓嘅四仔界，幾乎每間片廠都有自己嘅推油片，仲係非常暢銷嗰隻，證明全球色情男女都鍾意玩油，今日細佬推介幾款過你，自用或拉伴侶淋都咁High o架！
講起玩油，原來仲有好多人搞唔清潤滑油有幾多種，乜都唔理亂咁嚟，好事都變壞事啦！等細佬簡單解釋吓，查實坊間普遍有三款選擇，分別係水基Water-based、油基及矽基潤滑油。
水基最方便亦最常用，可以用於任何東西，例如玩波哋推油、配合避孕套或玩具使用，一沖水就乾淨晒，缺點係快乾，需要再溝水或加油，難以持續就梗係唔爽啦！油基，由礦物油製成。和水基不同，不會同體液起反應，效果持久，但有機會破壞避孕功效，所以不能同時使用，加上潤滑效果較差，而且難以清洗。矽基，喺歐美甚受歡迎，近年攻入亞洲，優點係沒有任何黏性且永不乾涸、潤滑非常，可配合避孕套同時使用，非常適合水中性愛。有人會問，咁三種油邊種最好用？其實冇一定，因為用家始終係你，邊種合自己咪最好囉！但若然你對玩油無認識又想試，幾大都揀水基行先，即睇以下三款推介！
名稱：ID Glide Lube Squeeze Bottle 250ml
售價：約HK$152
網址：www.lovehoney.co.uk/product.cfm?p=480
簡介：被美國Men's Health評為最佳水基潤滑油ID，少少劑量就極潤滑，乾涸後只要一滴水或口水就能重新激活，而且潤滑油設計不留任何污漬，唔擔心整污糟床單。早喺1993年，由美國加州Westridge實驗室公司研發製造，生產嘅潤滑劑種類非常多，每款都經過嚴格測試，兼容安全套及矽膠玩具同時使用，防敏感配方適合任何人士肌膚。呢款潤滑油水晶般通透而保持凝露狀態，潤滑程度超乎一般水性潤滑兼且功效持久，加上無色無味，更重要係Made in U.S.A.呢幾隻字，經已係信心保證啦！
名稱：Fetish Fantasy Inflatable Lube Wrestling Ring
售價：約HK$1,853
網址：www.loverslane.com/INFLATABLE-LUBE-WRESTLING-RING/p/ 139171?cid=16
簡介：要玩淋油甚至推油一定要喺浴缸搞掂？傻啦，地方咁細邊過癮！要爽就喺廳玩，不過要先買個水池及業界用嘅潤滑油先得！美國品牌Fetish Fantasy專出呢類搞鬼玩具，好似圖中呢款正方形吹氣水池，長6呎、闊6呎及高20吋，成張King Size大床咁闊，目的係畀用家玩水中摔角。吹氣池附設腳踏氣泵，只需8分鐘就可完全充氣，配合埋佢專門嘅Wresting Lube水性潤滑油，一淋即用，大戰一觸即發，爽呀！1支油唔夠用？半加侖裝都只售49美元（約HK$380），絕對抵玩！
名稱：高麗人參潤滑油
售價：約HK$75/360ml
網址：www.e-nls.com/pict1-40320?c2=new
簡介：Pepee Lubricant，全名中島化學潤滑油，係日本潤滑界殿堂級名牌，超過20年生產歷史，坊間幾乎各大品牌嘅潤滑油都係由中島化學代工生產。而佢哋品牌主打高級水性潤滑油，特點係多種黏度選擇兼幼滑、耐用不易乾，無色無味，難怪經常喺AV內出現。
近年Pepee每隔一段日子有新產品推出，早前推出骨膠原、Omega 3加巴西黑胡椒、果凍及花香味水性潤滑油，今個月又有新作，高麗人參潤滑油，報稱可增強男士寶貝強度，有大細號選擇，橫掂都係要爽，梗係買支好嘢對自己好啲啦！
撰文：祖