有人叫好奇心做八卦，覺得太過好奇唔係一件好事，只係做人如果唔八卦，往往會錯失一啲生活上嘅細節，就好似情慾世界咁，如果大家唔好奇又唔八卦嘅話，又點會知道埋藏喺當中嘅一二事呢？今次就為大家帶嚟各個同「8」字有關嘅詞語，一於齊齊八一八佢！
有朋友喺網上識咗個洋妞，傾談之間對方突然問佢鍾唔鍾意「8」，朋友以為對方問佢份人八唔八卦，事實上呢個「8」字梗唔係八卦咁解啦！其實喺英文情色俚語中，「8」其實指吹奏。想明白佢同吹奏間嘅關係需要用上想像力，據講「8」嘅字形好似男性兩粒波子，而兵器則因為放咗喺女伴口中而消失咗，因此得番兩粒波子喺嘴外面。講到四仔界嘅「8」字高手，一定唔可以唔提喺今年年初第31屆AVN頒獎禮中，獲得最佳吹奏脫星大獎嘅Skin Diamond。呢位嚟自美國嘅27歲脫星，口技不但出神入化，加上迷人嘅眼神，搞到唔少四仔迷睇到血脈沸騰。此外，佢更係位歌手，喺2013年推出過歌曲《Sex in a Slaughter House》添！
中文嘅曳曳體位我哋就聽得多，好似老漢推車、半邊鵝髀、龍舟掛鼓等等，只係講到英文嘅體位大家又知得幾多呢？好似「The Number 8」就係個好例子。所謂「The Number 8」其實係指一男坐喺櫈度，女伴則面對面咁坐喺男伴身上交鋒嘅動作。本嚟呢個動作一啲問題都冇，只係由於唔少美國半醉男女，都鍾意喺酒吧廁格內玩呢招，須知道呢啲公眾廁格有幾污糟就有幾污糟，故此其後「The Number 8」就引伸至形容喺曳曳過程中出現惡心場面嘅性戰，譬如喺曳曳過程中，男伴突然釋放異味氣體，或飲大咗嘅女伴突然嘔吐等等。例句：「我頭先同囡囡經歷咗『「The Number 8』呀！」
「Eighty-eight」又名為「88」，究竟係乜嘢意思呢？原來佢係一種女同專用情趣玩具嘅代號，英文叫做「Two-headed Dildo」，中文則叫做「兩頭式像真如意棒」或俗稱嘅「兩頭蛇」。呢種情趣玩具之所以會有呢個代號，據講係因為從高俯瞰嘅話，美股嘅外形好似阿拉伯數目字「8」咁樣，而當兩個美股碰埋一齊嘅話，就會形成「88」嘅外形。不過有人覺得呢個代號都係太過露骨，故此索性用英文字「Eighty-eight」代替。事實上，唔少美國人喺購買呢種情趣玩具時，都會以「Eighty-eight」嚟稱呼，售貨員便馬上心領神會。
唔少電影都會以世界末日後嘅地球作為故事主題，原來美國四仔亦有咁嘅作品，佢就係由著名四仔製作公司Adam & Eve，喺2009年9月推出嘅《The 8th Day》。呢套集科幻、情慾及末世三種元素於一身嘅作品，搵嚟四仔天后Tori Black、Bree Olson、Krissy Leigh等多達28位脫星共同演出，而作品更喺2010年AVN頒獎禮中囊括最佳四仔影碟、最佳全女班曳曳場面、最佳特技、最佳剪接、最佳化妝等9個獎項，足見佢嘅製作有幾咁出色。故事講述由Kayden Kross飾演嘅女主角某日從冷凍睡眠中甦醒，發覺地球已被毀滅，而面對人慾橫流嘅世界，佢惟有努力咁曳曳以保持生存嘅動力。
女人同「8」字扯上關係嘅話，通常都唔會係乜嘢好事，只係美國就有個外號為「Eight」嘅脫星卻以「8」為傲，佢就係August Knight。呢位喺1981年9月13日出生嘅阿根廷裔美國脫星，之所以對呢個冧巴情有獨鍾，甚至以英文嘅8月為藝名，皆因佢覺得「Eight」係佢嘅幸運號碼。事實上，喺2001年以藝名Avila出道嘅佢事業運一直麻麻，直到2003年改名為August Knight，並接拍成名作《Ass Worship #2》後，事業運即刻返晒嚟。憑住呢部作品，佢喺2004年AVN頒獎禮中獲得最佳雙人床戰場面獎，跟住再以續集《Ass Worship #3》、《Ass Worship #4》及《Ass Worship #5》，分別喺2008年及2009年AVN頒獎禮中獲得最佳女配角及最佳群戰場面獎項，而佢出道至今共演出超過300套四仔。
點解男人鍾意八字美乳？理由好簡單，若然對車頭燈唔夠巨嘅話，點可能產生咁嘅效果。講到日本AV界著名嘅八字波，一定唔可以唔提女優小向美奈子。今年29歲嘅佢早喺1999年便以水着女優身份出道，憑住清純可人兼激凸身材好快走紅，既拍廣告又參演電視劇，當中電視劇分別有《冬之輪舞SP 》、《夜王》、《特命係長 只野仁》等，並且喺2010年參演情色電影《花與蛇 3》。不過由於佢因第二次涉嫌吸毒搞到形象受損，最後喺2011年9月宣布轉戰AV界，成為AV製作公司Alice Japan嘅專屬女優。美奈子以其38H激凸上圍，喺AV界闖出名堂，並喺2012年第21屆東京體育報電影獎中獲得榮歸獎。
撰文：魂