優點有時可能會成為缺點，好似一個人自信心爆棚本來係好，但可能有人認為佢太過自大。而缺點有時亦可以為人帶來好處，好似巨乳水着妹小湊彩咁，就係因為生得矮，成功喺所屬女子團體當中突圍而出。
小弟成日都怨生得矮，亦正因為又矮又肥，所以得唔到靚女垂青。之不過，我師傅就話，生得唔高唔緊要，最重要係心頭高，佢仲話曾幾何時去到高級夜總會見識嘅時候，不知見到幾多揮金如土嘅富豪，都係好似《老夫子》入面個大番薯咁款。再者，身材矮識唔到高妹，但係世上仲有好多生得細細粒又靚女嘅嬌小美人，我相信師傅講嘅應該係小湊彩喇。23歲嘅小湊彩青春嫩口，可愛又帶有陽光氣息，一望就令人精神一振，笑起上嚟更有強勁嘅心靈治愈效果，就算心情幾憂鬱幾煩悶，見到佢嘅笑容都即刻醒目晒、開心晒。令人開心又興奮嘅，仲有彩妹嘅極品巨乳，呢對34G-Cup巨胸又大又挺又飽滿，基於阿妹皮白肉嫩嘅關係，對G奶亦雪白誘人。
小湊彩擁有如此驕人身材，憑住一對雪白G奶毫無疑問幫到佢喺寫真界發展，而阿妹亦憑此獲選為女子團體KNU嘅成員之一。講起KNU就把炮喇，呢個團體主打巨乳妹，所選嘅成員除咗係青春少艾、嬌俏可人之外，全部都擁有驕人雙峰，個胸最細都有F-Cup！出席不同活動作表演嘅時候，KNU就「胸」群而出，搞到一眾宅男同麻甩仔流晒鼻血。雖然，眾成員個個都咁胸猛，G-Cup上圍嘅小湊彩當然企得住腳，兼且可以算係團體中最受注目嘅一位，原因除咗佢個樣生得最甜美，仲因為佢生得最矮！身高只係得4呎11吋嘅佢，喺成員中的確矮咗一截，但反而令佢更為突出，且更符合宅男們對小巧蘿莉妹嘅偏愛。觀眾鍾意佢之外，成員都對佢相當好，大家相處得非常融洽，令演出嘅時候更加順利。
年齡：23歲
身高：4呎11吋
三圍：34G-24-33
小湊彩經常將自己出席攝影會同舞台演出嘅花絮照片放上博客，當中唔少都係同KNU眾多巨乳成員身穿火辣比堅尼嘅照片，Click上佢個博客一定有眼福！
網址：http://ameblo.jp/ayya-n/
撰文：賢