眼睛被稱為靈魂之窗，除咗可以欣賞四周景物，仲能夠流露感情，與情人四目交投，感受有時更勝千言萬語，而女仔若然擁有一雙美麗眼睛，吸引力可能更勝驕人巨乳，栗田惠美就係憑住一雙精靈又迷人嘅眼睛，將不少巨乳妹打敗喇。
欣賞日本水着妹嘅朋友，相信絕大部分都係巨乳愛好者，最鍾意就係揀個胸前偉大嘅睇餐飽。之不過，歷來咁多出色又知名嘅水着妹並唔係個個都咁好波，好似出道於2002年嘅小倉優子咁，身材苗條但上圍唔大，憑住青春可愛面孔而成功突圍，人氣持續高企。雖然，家陣優子已經結婚生子做咗幸福少奶奶，但係大家都唔使擔心水着界欠缺一個同佢一樣咁吸引嘅水着妹，曾被譽為「未來最活躍水着新星」嘅栗田惠美，絕對有實力去代替優子。惠美妹今年20歲，面上稚氣未消，清新可人又純真嘅氣息，相信唔少人同我一樣覺得佢可能將年齡報大咗幾歲。阿妹雙眼精靈，瞳孔又黑又圓，能夠將感情流露，如此迷人嘅眼神係阿妹嘅一大賣點，更令人鮮有留意其一般嘅身材，只因已經深深畀佢雙眼吸引住。
栗田惠美讀高中一年級嘅時候，就因為生得靚又可愛，喺涉谷街頭被星探發掘，其後以其青春活潑特點而活躍於寫真界。到2012年，惠美終於搵到催谷人氣嘅機會，就係參加日本Telegenic 2012選美比賽。憑住個人自信以及迷人又吸睛嘅瞳孔，順利擊敗44名身材驕人嘅入圍對手奪得冠軍，從而被稱為未來新星。獲獎之後嘅惠美喺水着界同藝能界都發展順利，不時獲邀出席綜藝節目，包括《音龍門》、《9KINGS》等，電影作品亦有《沉思之鏡》。到今年惠美再度證明自己胸細亦一樣可以巴巴閉，因為佢喺選美比賽Miss Action 2014連同兩名水着妹水月桃子、木內久瑠美一齊奪得冠軍，兩度於大型選美活動中稱霸，認真威水！
栗田惠美成日都會將自拍照放上博客同大家分享，照片往往都表達出惠美嘅可愛同純真，睇完覺得成個人清新醒目。
網址：http://ameblo.jp/kurita--emi/
年齡：20歲
身高：5呎3吋
三圍：31-22-32
撰文：賢