AV廠SOD近年黑到貼地，無他嘅，佢發掘出嚟嘅多位新人都相繼倒下，正確嚟講應該係未出碟先引退，搞到廠方大失預算。而SOD嘅黑氣不僅影響到間廠，仲傳染到今年成立30周年嘅老牌AV廠Alice Japan。AJ廠近期正值多事之秋，例如一手發掘入行、隻隻碟都幾乎大賣嘅吸金猛人小向美奈子，去完美國整容之後居然跳槽到Moodyz；而優秀新人伊東紅亦過檔到IdeaPocket，搞到女優陣容殘缺不全。點知，壞消息接踵而來，4月出道嘅超級新人、今年19歲嘅巨乳美少女藍原佐理衣宣布退出！佐理衣同Alice Japan只係合作咗3部作品，反應唔錯，據消息指佐理衣鐵定唔會再拍AV，已安排嘅攝影會亦會取消，至於引退原因則暫時未有公布。