近年日本AV女優除咗積極喺當地AV市場發展，勢力仲漸漸向外擴張，例如到內地掘金，以及到香港拍港產片等。最近AV女優更進軍大銀幕，佢哋唔係做花瓶，而係擔正女主角，點可以唔支持呀！
早前小弟喺度同大家講過，將於9月22日喺日本舉行一個大型音樂節「Sex Idol Music Festa」，當中嘅表演嘉賓大部分都係人氣AV女優，陣容相當鼎盛。事實上，近年有唔少AV女優喺AV界同音樂界作兩棲發展，有單飛做歌手，亦有幾個女優結成組合一齊性感演出，令樂壇更加精彩，仲添上唔少鹽花。其實，除咗樂壇有女優大舉入侵，近期日本影壇一樣出現好多有AV女優參演嘅電影，甚至擔正做女主角，可見女優喺影壇嘅地位大大提升。好似近期喺日本上映嘅有B級大製作《Lust Of The Dead 新的希望》，呢部電影以喪屍為題材，不過呢班喪屍就唔係食人肉，而係鍾意捉女人嚟交歡。至於女優陣容就勁喇，有現時人氣強勁嘅G奶惠理、早前主演過電影《女體銃》嘅亞紗美、小司杏以及若林美保等等。片中除咗有索女打喪屍嘅刺激場面，亦有好多色情鏡頭，例如惠理畀喪屍捉咗，大玩情趣玩具，亦有女優被喪屍霸王硬上弓，令電影充滿鹹味，直情當係一部AV嚟睇都得。
比較正規又正經嘅女優參演電影作品，仲有由深宵綜藝節目《神之舌》改編嘅電影版《神之舌 接吻忍耐冠軍The Movie 2》，主演嘅3位女優都係人氣鼎沸，包括有上原亞衣、小島麻奈美以及G奶索人妻白石茉莉奈，故事大綱講述佢哋喺校園遇到神秘兇殺案，而呢部電影將於10月17日喺日本上映。
仲有一部電影《和善的殺人者的記錄》，女主角就係近年日台兩邊走嘅葵司，呢部由驚慄小說改編嘅日韓合拍電影，早前被挑選成為第18屆韓國富川奇幻電影節嘅參展作品，同時亦係於8月尾舉行嘅日本湯布院電影節特別放映嘅電影作品，睇嚟葵司有機會憑呢套電影殺入影壇兼進軍韓國市場喎。
撰文：賢