近期本地一班o靚模大騷性感促銷其火辣寫真集，而另一邊廂嘅o靚日本，一班青春嫩口又好身材嘅AV女優亦密密四圍現身賣性感，佢哋就係7月初成立、由星美梨香領軍嘅4人女子組合「Million Girls Z」喇！
今年巴西喺世界盃嘅表現令人慘不忍睹，不禁令球迷諗起12年前嘅3R組合，由朗拿度、朗拿甸奴同李華度組成嘅黃金鐵三角！當年呢個鐵三角組合叱咤一時，威震球壇，冇咗佢哋嘅巴西隊真係今非昔比。提到鐵三角，小弟不期然諗起2011年喺日本AV界盛極一時嘅AV女優組合「Million Girls」（簡稱MG）。屬於AV集團KMP嘅MG，由混血小天后藤井雪莉、蘿莉小天后麻倉憂以及G奶美神神咲詩織呢三位頂級女優組成，三個都獨當一面，實力非凡，為KMP當時嘅優良業績貢獻不少。之不過，當年因為佢哋嘅發展只限於AV界，唔似得家陣咁多女優組合進軍樂壇，所以活躍度同知名度有限。最近KMP又有動作，就係將廠內嘅專屬女優再次集結，組成「Million Girls Z」（簡稱MGZ），實行喺AV界再起風雲之餘，同時向樂壇全力發展！
「Million Girls Z」由蘿莉系巨乳美少女星美梨香、扮嘢小天后坂口美穗乃、日本與瑞典混血兒克莉絲汀北島以及有D奶麻倉憂之稱嘅佐倉絆組成，雖然星美梨香唔係KMP嘅親生女，今年至由IdeaPocket過檔，但係由於梨香名氣十足，所以KMP安排阿妹擔任隊長。而其餘3位女優雖然人氣未必夠上一代嘅MG咁勁，但係勝在夠青春夠活力，相信一定可以吸引到唔少AV迷同樂迷支持。MGZ成立之後極度活躍，頻頻去到秋葉原等唔同地方進行宣傳活動，又出席攝影會及握手會，仲上埋網台做訪問，認真夠晒勤力！此外，9月22日雲集AV女優組合嘅女優音樂會，MGZ亦有份參與，到時真係要睇吓佢哋現場獻唱嘅歌藝如何，默契有幾高喇！
撰文：賢