香港嘅動漫展正如火如荼地舉行，而美國嘅動漫界盛事聖迭戈動漫展卻踏入尾聲。呢個早於1970年開始逢7月下旬舉辦嘅動漫展，從當初只係展期一日，同埋吸引約百名動漫粉絲捧場嘅展覽，發展到今時今日展期4日並吸引超過13萬名人士參加嘅展會，足證佢喺美國動漫迷心目中嘅地位！佢唔單止吸引業界人士及動漫迷參加，亦吸引眾多Cosplay迷參與，就連四仔界天后兼Cosplay界名人Tanya Tate，亦要變身成美國動漫英雌嚟捧場。早前Tanya已經化身成唔同嘅「峰」騷女英雌喺現場現身，當中分別有Lady Titan、Captain Marvel同Black Canary，而喺明日佢更以神秘英雌身份現身，以超性感扮相令大家眼前一亮之餘，更同動漫迷近距離接觸兼影相，唔知佢到時以乜嘢造型嚟迷倒大家呢？