要數今年冒起得最快嘅性感模特兒，一定非戰姝羽莫屬，出生於山東煙台嘅小羽，擁有完美身材，佢唔留喺北方發展，反而南下深圳打拚，憑佢驕人嘅「食力」，一兩年間已經成為深圳炙手可熱嘅性感偶像。
今年只得廿歲嘅戰姝羽，英文名Zina，熟佢嘅朋友就會叫佢嘅別名「伍爺」。講番佢家陣個名，讀落真係有啲騎呢，唔知仲以為係動漫角色嘅名字，就因為個名夠特別，所以深受年輕網友嘅歡迎。小羽未嚟深圳發展前，所有資料不詳，有網友曾經人肉搜查，但都查唔到，有啲網友就幫口話佢可能不想人知道佢嘅過去，於是就冇人再起佢嘅底。講番佢嚟深圳之後，一口氣接拍咗多輯性感寫真，而且十分出位，如果你定力少啲嘅話，都一定被刺激到鼻血長流，事關佢嘅出位寫真，不乏全裸演出，有啲仲係事後配上遮掩物，至可以勉強出得街咋！
有粉絲喺微博問佢點解咁放得開？唔通冇底線？佢話自己係一個好易心軟嘅人，只要攝影師氹得佢開心，就會聽晒佢話，剝到一絲不掛都冇問題，而且一投入咗，只求寫真效果出色，自己有冇底線都已經忘記晒！難怪咁多攝影師搵小羽合作啦，搞到佢工作不斷，人氣急升，最近佢嘅寫真作品更流傳到日本，據講點擊率轉眼已有過萬人次，如果衝過十萬，話唔定會殺埋去日本發展添！小羽擁有32B嘅上圍，寫真出嚟嘅效果自然玲瓏浮凸，而最煞食係佢嘅「八月十五」，又圓又挺，真係人見人愛，所以作品中不乏「股照」，近期更有網友封小羽為「股后」添！
出生地：山東煙台
三圍：32B-23-34
身高：160cm
簡介：戰姝羽拍咗多輯性感寫真，照片都喺網上廣泛流傳，但比較分散，最集中當然係佢嘅官方微博，而且仲有好多私拍照，一樣性感到暈！
網址：http://weibo.com/u/3904962719
撰文：龍四海