影壇上有好多影星雖然已經離開咗我哋，但係佢哋嘅經典電影及風采依然令我哋着迷，好似占士甸、馬龍白蘭度等等。而為咗令後世有更多人可以感受到佢哋嘅魅力，唔少電影商都會將其經典之作重新推出，最近喺日本就有一位經典女星嘅寫真集，相隔多年之後重現大家眼前，畀大家重新感受其迷人艷光，佢就係可愛和美。
可愛和美於八、九十年代，憑住演出日活嘅情色片《水手服色情飼養》而成名，而成名之後，她就極速擺脫艷星身份，以青春可愛又純情嘅面孔、猶如陽光般燦爛嘅笑容而廣受民眾歡迎。好可惜，和美喺1997年自殺身亡，令大家唔能夠再見到佢充滿生氣同治愈效果嘅動人神采。喺和美離世十七年嘅今日，《可愛和美寫真集》重新推出，為大家呈現和美當年迷人之極嘅笑容同鮮嫩胴體，希望大家唔好一邊睇一邊喊啦。
售價：約HK$264
撰文：賢