坊間有說啤酒性涼，有利尿及降火作用，之不過，大家有時愈飲啤酒就愈上火，無他嘅，因為氹我哋買啤酒嘅啤酒妹惹火囉！而近期嘅日本水着界新星小野乃乃香就係太惹火，曾經創造出一日賣四百杯啤酒嘅驚人紀錄喇！
食海鮮最重要係新鮮，最好就當然係仲識得游水嘅生猛海鮮，如果唔夠新鮮，食落慘過要捱鹹魚。欣賞水着妹亦一樣，最好就係揀剛剛出道就人氣十足嘅新星，而近期小弟推介除咗有筧和美子，仲有今日為大家介紹嘅小野乃乃香！今年21歲嘅乃乃香認真係人間極品，其樣子可愛，氣質天真、純潔，稚氣未消，睇落仲有少少似後生版嘅劉心悠，相信亞洲男士冇邊個見到佢唔心動，如果睇埋阿妹副極品身材，更會覺得生理機能生起強烈衝動！呢股衝動產生嘅原因有好多，第一係乃乃香皮白肉嫩，肌膚猶如豆腐花咁鮮嫩雪白；第二係身材高挑，5呎7吋嘅身高令佢雙腿又長又吸引；第三係高挑得嚟仲相當好波，胸前嘅33E純天然美巨乳飽滿美觀。
雖然乃乃香嘅美貌同身材都屬於極品級數，之但係星途並唔係一出道就燦爛無比。乃乃香一直仰慕嘅偶像有兩個，就係名模菜菜緒以及水着妹小倉優子，為咗可以成為佢哋嘅接班人，佢某日去到藝能事務所自薦並順利獲得錄用，更得事務所安排同兩位偶像同台演出添。之不過，阿妹如願以償之後，工作卻冇想像中咁多，於是就一邊做寫真女郎，一邊喺東京巨蛋做啤酒妹，由於乃乃香嬌俏可人又好身材，自然支持者眾，更創出一日之內賣出四百杯啤酒嘅驚人紀錄。亦因為呢個紀錄令阿妹獲得更多工作機會，例如擔任賽車女郎以及成為體育傳媒東京Sports嘅代言人，同時仲獲邀於綜藝節目《有吉反省會》演出，往後好多綜藝節目都可以見到阿妹出現。曝光率咁高，更令乃乃香被譽為2014年冒起最快嘅水着新星。
小野乃乃香經常喺博客上載自己飲飲食食嘅花絮，但係阿妹食極都係咁弗，真係令人羨慕又妒忌。
網址：http://ameblo.jp/ohhag-inu/
年齡：21歲
身高：5呎7吋
三圍：33E-24-34
撰文：賢