宅男天地：火辣少女靚枱燈

養眼度爆燈嘅成人模型，除咗可以用嚟欣賞兼滿足個人幻想外，仲有乜嘢用途？答案就係用嚟照明！唔係講笑，呢個正正係日本人氣電玩及動漫作品《ToHeart 2》最新登場模型嘅賣點。作為作品中超人氣角色嘅向坂環，呢個模型經過重新設計，不論五官定身材都重新塑造，令佢外形變得更性感、更吸引，玩家仲可以親手除咗佢件吊帶背心，等佢露出迷人車頭燈添！此外，呢個模型嘅特色就係附設嘅座枱燈內置LED燈，按一下開關便會發光。當然，亮度一定唔可以取代真正嘅座枱燈啦！