人會變月會圓，一個明星最怕就係被定型，戲路多變至可以令觀眾耳目一新，令星途更長久，好似一代意大利艷星斯蒂芬尼亞桑德雷莉（Stefania Sandrelli）咁，就係由淳樸美人轉型為飢渴慾女，唔單只提升星運，仲為一班觀眾提供無限春光。
提到魅力非凡嘅意大利女星，好多觀眾應該同小弟一樣，第一時間會諗起蒙妮卡貝露慈，佢香艷動人，氣質迷人，最重要就係身材豐滿，胸前對豪乳認真吸引。其實，意大利影圈歷來都有好多艷星拍得住蒙妮卡，而當中仲有一個同佢非常相似，就係斯蒂芬尼亞桑德雷莉喇。1946年，斯蒂芬尼亞於意大利維亞雷焦出生，生長於一個中產家庭，佢阿哥自細就熱愛音樂，令她亦受薰陶，除咗學習芭蕾舞，仲識得拉手風琴。14歲嘅時候，斯蒂芬尼亞已生得亭亭玉立，於是膽粗粗參加維亞雷焦電影小姐選舉，更憑住其驚人氣質而成功奪冠，從而成為模特兒。成名之後，斯更加獲得參演電影嘅機會，原因係意大利名導皮卡托傑米對佢非常欣賞，雙方接連合作拍咗四部電影，當中包括《意大利式離婚》。
喺《意》片當中，斯扮演一位可愛又淳樸嘅美少女，其純真又投入嘅演出備受好評，更獲意大利電影界稱讚為「最自然的女演員」。往後，斯嘅演技日漸成熟，喺1980年，佢演出意大利電影大師埃雷托斯科拉嘅電影《La Terrazza》，仲獲得意大利銀絲帶最佳女配角獎添。不過，斯並不甘於平穩嘅演戲之路，獲獎之後三年佢就改行性感路線，更同知名情色電影大師丁度巴拉斯合作。當時斯已漸漸成熟，並醞釀出濃郁女人味，而其身材仲變得非常豐滿，豐乳肥臀令人睇得熱血沸騰！喺佢同丁度巴拉斯合作嘅情色電影《The Key》當中，斯就扮演一名飢渴人妻，經常大露豐滿身材，而一幕又一幕床上戲，除三點盡露之外，更加疑似同男演員打真軍，動作夠激夠投入，畫面仲影住佢出手撫弄男演員嘅武器，場面真係叫人睇到咬牙切齒！
撰文：賢