宅男天地：貓娘咖啡網吧

日本男士對貓娘情有獨鍾，因此唔少電玩都喜以貓娘為主題，當然十八禁電玩亦唔例外。貓娘最大嘅賣點係萌味十足，喺成人電玩中，佢哋更係身材火辣兼具姣味，好似《貓咪全速跑〜歡迎來到Catgirl網吧〜》就係其中之一。故事發生喺一班化身成貓娘嘅美少女咖啡網吧，話說最愛貓娘嘅男主角趁住放暑假去打暑期工，無意中走到貓娘咖啡網吧度應徵，從此展開一段情慾暑假生活。玩家面對唔同性格嘅貓娘，要想盡辦法去討好佢哋，並且解決佢哋嘅感情煩惱。當然最重要就梗係點樣同佢哋發展超友誼關係啦！