法國男人一向都予人充滿浪漫情懷，以及充滿自信嘅印象，之不過，最近有調查發現，佢哋並唔多夠自信，甚至有頗為嚴重嘅自卑感，尤其係睇四仔嘅時候，愈睇愈自卑添！話說一間投票調查中介人公司Ifop，喺法國進行一項有趣調查，主要係想了解一下法國男人同四仔之間嘅關係，結果發現受訪嘅18歲或以上男士當中，有9成有睇過四仔或已經養成睇四仔嘅習慣。不過，睇四仔卻未必令佢哋感到興奮，因為年齡介乎18至24歲嘅年輕法國男仔當中，有34%睇完四仔之後，覺得自信心下降或者出現自卑感，原因係四仔男優嘅架生比佢哋嘅巨大；幸好嘅係年紀愈大愈睇得開，65歲或以上嘅受訪者，只得14%睇完四仔覺得自卑啫。其實唔使咁自卑嘅，夠用就得啦！