本人好喜歡食雞蛋，因為聽啲前輩講食雞蛋特別補身，尤其係生雞蛋，事前整隻落肚，表現會特別出色。但自出現咗禽流感之後，食生雞蛋盡可能免得就免，所以開始改食炒蛋，一來炒熟晒，二來配埋蔬菜或者肉類，美味之餘，營養價值亦一樣唔低。而最近收到風大富豪桑拿嘅大廚，又搞搞新意思，創製咗味「四川韮王炒蛋」，韮王炒蛋大家就食得多，加上「四川」嘅韮王炒蛋，又唔知味道如何？於是一上去就點咗個嚟試吓！大廚先用蒜頭和辣椒起鑊，嗰陣辣香傳至成個大廳都聞到，跟住放入打好嘅雞蛋，之後輕輕一兜，倒入韮王同埋紅椒絲，再快炒幾吓，落埋少少鹽調味就上碟，一聞蛋香撲鼻，起初以為椒絲全部用紅甜椒切成，但原來混入咗幾隻指天椒喺裏面，所以辣度驚人，食完渾身冒汗，但韮王同甜椒嘅清甜爽口，又減輕少少辣度，令你一口接一口，好食到停唔到落嚟！