世界上充滿矛盾，好似好多企業嘅高層人工超高，卻又辦事不力，又例如好多艷星外表斯文純品，但係一旦演起情慾戲上嚟又充滿野性同激情。知名德國美艷女星娜塔莎金絲姬（Nastassja Kinski），就係集高雅與野性於一身，而迷倒萬千影迷喇。
影壇上有好多出色嘅經典藝人都係憑住反叛形象而成名，好似萬世經典嘅占士甸及香港人永遠都咁懷念嘅張國榮就係好例子，而經典德國影星，被譽為「歐洲影壇第一美女」嘅娜塔莎金絲姬，年輕時候亦係一個反叛少女。娜塔莎喺1961年出生於柏林，父親係德國影星克勞斯金斯基。7歲嘅時候，娜塔莎父母離異，自此就好少見到佢父親，而喺1999年一次訪問當中，娜塔莎仲表示曾被父親侵犯過，亦可能因為咁令佢漸漸變成叛逆少女。娜塔莎13歲就離開學校任職模特兒，後來經德國女星麗莎克茲嘅引薦踏足電影圈，而首部作品就係由德國電影大師雲溫達斯嘅《歧路》，更因為演戲而結識到出晒名鍾意嫩口美少女嘅名導演波蘭斯基，更加唔理阿媽嘅勸告與對方共賦同居，當時娜塔莎只得15歲。
同居期間，波蘭斯基就特別叫娜塔莎跟美國戲劇大師兼名導演李斯特拉斯伯特學演戲，之後更安排佢主演由波執導嘅電影《黛絲姑娘》。於《黛》片娜塔莎嘅演戲才華得以充分發揮，更憑此片獲得金球獎最佳女演員獎。另一方面，娜塔莎主演《不要離開》當中綻放魅力光芒，《時代雜誌》仲大讚佢美艷動人、擁有知性美以及高度野心。娜塔莎從影以來拍超過六十部戲，而喺初期就已經拍全裸戲，表現相當大膽。而當中最激嘅一定係《不要離開》入面嘅多場床戲，不過小弟就比較鍾意佢另一部經典作之一嘅《豹妹》，因為娜塔莎於片中三點盡露，露得自然而誘人，而同男角進行床戲嘅時候，起初怕醜，後來又因為體內嘅豹族血統而變得野性大膽，一個角色兩種表現，加埋娜塔莎嘅出色演繹，值得一睇再睇！
撰文：賢