對好色男士嚟講，每次睇到S呢個字，唔係諗起Superman（超人），而係諗起身材前凸後趷嘅索女，若然擺埋挺胸凸股嘅S形甫士，更係令男士流晒鼻血添！其實S字頭嘅英文仲有好多，以下就一一列舉，讓大家明白情慾字海有幾咁浩瀚。
唔知Sadomasochism點解？其實佢就係我哋成日講開嘅SM全寫，即係指愉虐或虐戀。所謂愉虐相信好多人都知道係乜嘢，意思係指施虐者與受虐者之間，一種將性快感同痛楚聯繫埋一齊嘅性活動，從醫學角度嚟睇係屬於性慾倒錯。好此道者會通過各種產生痛楚嘅行為，包括鞭打、踢蹴、踐踏等方法令對方產生肉體及精神上嘅痛楚，從而得到性快感。不過大家要留意，Sadomasochism同Algolagnia（虐待狂）唔同，前者係喺自願同安全嘅情況下進行，後者則係喺未經同意下進行嘅違法行為，大家要分清楚呀！
Soft On Demand簡稱SOD，係一間為AV迷所熟知嘅日本AV製作公司。由高橋雅也喺1995年11月成立，每年製作過千部AV，自1996年脫離傳統AV片商映畫倫理委員會後，以新技術及概念生產AV及營運，業務增長得極快，並喺2006年3月創下108億日圓營業額嘅紀錄，單係呢個業績已足見佢喺業界內舉足輕重嘅地位。喺2006年SOD聯合幾間日本AV片商舉辦「AV OPEN」作品大賽，並集合500位男女集體性愛拍攝成作品，同時又積極同歐美成人片商合作，業務變得愈嚟愈多元化。SOD旗下著名嘅子公司相當多，包括Deep's、Hunter、Rocket等，同時又推出情趣用品品牌Tenga。旗下著名女優有原紗央莉、夏目奈奈、仁科百華等。
網址：www.sod.co.jp
日本AV界中最老嘅男優係邊個？佢就係德田重男！呢位出生於1934年8月嘅老伯來頭一啲都唔細，皆因佢畢業於東京一間著名大學，而大學畢業後就喺一間旅行社工作一直做到退休。喺1996年時佢一位AV製片朋友見佢一副鹹濕樣，就提議佢去做男優，有感退休後生活苦悶嘅德田老伯，便瞞住屋企人去拍AV，一拍就拍咗15年兼演出過超過350套作品。直到有日佢個女收到張叫德田老伯開工嘅傳真，先至發覺佢原來係AV男優。據德田講，佢演技受到AV迷肯定，平時仲有唔少粉絲攞佢嘅簽名添！順帶一提，其實德田重男並非佢嘅真名，至於真名係乜就冇人知喇！
家陣唔少美國脫星都會自己搞生意或者轉行做成人頻道嘅主持，只係講到最早成為主持人嘅脫星，就要數呢位AVN名人堂嘅人馬Seka。喺1954年4月15日出生，原名Dorothea Patton嘅Seka，喺上世紀70年代中曾以Linda Grasser嘅藝名演出四仔，其後轉行喺拉斯維加斯嘅賭場做荷官一段時間後，便以Seka之名正式開展四仔生涯。從1978年正式出道至1993年間，共演出超過200套四仔，而同時佢亦兼職脫模工作及頻頻亮相電視清談節目。及至1997年，佢喺芝加哥主持星期六深宵電台節目「Let's Talk About Sex」，展開佢電台節目主持人生涯。
講到美國四仔界歷史悠久嘅成人影片製作公司，一定唔可以唔提喺1987年成立嘅Sin City。由著名資深成人攝影師Reuben Sturman兒子David Sturman所創辦，多年嚟致力發展成人影片業務，除咗推出種類多元化嘅題材外，更係首批推出網上睇四仔服務嘅成人影片商之一，而憑住佢呢種創先河嘅做法，令公司成為美國四仔業界舉足輕重嘅製作公司，並經常喺四仔頒獎禮中獲得殊榮，當中包括喺1996年AVN頒獎禮中獲得最佳群戰影片、2001年AVN頒獎禮中獲得由觀眾票選出嚟嘅最佳電影及喺2008年獲得最佳四仔連續劇系列。近年Sin City致力發展高清及高端網絡播放技術，以應付四仔迷愈嚟愈高嘅要求。
網址：www.sincityfilms.com
鍾意去派對嘅男士最怕遇到嘅情況，就係個派對男女比例失衡，男嘅多到爆，而女嘅則少得可憐，咁嘅派對真係好玩極有限。對於呢種情況，我哋廣東話冇特別嘅形容詞嚟形容佢，最多只會話「個派對狼狗多到乜咁！」不過原來喺英文中，卻有特別嘅詞語形容呢個情況，佢就係Sausage Party嘞！所謂Sausage即係香腸咁解，顧名思義即係呢個派對香腸數量相當多，意指參加派對嘅男士多到爆，絕對唔值得去。故此當有人Send Message話你知，個派對係Sausage Party嘅時候，大家咪以為真係有香腸你食呀！
撰文：魂