自由自在，無拘無束嘅生活係人都嚮往，所以大部分男人都唔想咁早結婚，畀老婆仔綁住。之不過，又有唔少人鍾意受到另一半管制同束縛，甚至喜愛於閨房當中玩SM繩縛玩意，而栗山夢衣就最拿手表演其繩縛技術，將自己綁到實先同人見面。
繩縛係一門高深藝術，小弟好細個嘅時候就因為見到街市位賣豆腐阿嬸，用鹹水草熟練咁綁住舊豆腐而大感驚訝喇。到長大之後，小弟嘅眼光就隨年月放大，鍾意睇綑綁大師用繩綁人，不過大家唔好用特別嘅目光看待此事，因為剛才我講過，繩縛係一門藝術，日本水着妹栗山夢衣仲話畀大家知，綑綁都可以嚟得好可愛。今年26歲嘅夢衣五官標致，氣質天真純品，稚氣未消，萌味濃到化不開，笑起上嚟認真可愛到暈。但係，當阿妹佢微微扁起嘴仔，表情又流露出無比可憐，真係令人恨不得即刻衝上前將佢一抱入懷。而呢位可愛萌妹身材白滑、鮮嫩豐滿，條腰又幼，上圍仲有F-Cup咁勁，相信一抱之下，好多人都唔捨得放手。
夢衣喺2007年出道，不過當時佢以櫻井桃花嘅藝名於秋葉原一帶做街頭歌手，仲自己作咗一首屬於秋葉原嘅歌曲《夢旅》添。由於佢咁可愛又好身材，畀藝能事務所嘅人睇中簽為藝人，自此就開始拍水着寫真，大賣其驕人身段以及萌系氣息喇。除咗拍寫真，夢衣喺藝能界都有好多發揮機會，參與過唔少綜藝節目及電視劇，當中較出名嘅電視劇就係《特命系長 只野仁》。不過，阿妹一路以來惹起話題嘅並唔係佢嘅演技，而係奇怪嘅特技。某次，綜藝節目《哲平健》去到阿妹屋企做突擊訪問，主持人問到阿妹有乜特別技能，佢就話自己最叻就係將手術用嘅膠手套笠落個頭，然後將手套吹爆。另外，阿妹仲有第二項特技，就係「自我龜甲縛」，即係用繩將自己個身綁住。自此，夢衣無論拍寫真，定係出席公開活動都會玩呢隻龜甲綁，認真特別。
年齡：26歲
身高：5呎2吋
三圍：34F-23-34
最近栗山夢衣主持電台節目《栗山夢衣的首次體驗收音機》，佢仲成日將直播時拍低嘅照片放上博客，大家想知道佢最近又請咗邊位嘉賓，可以Click上去睇睇。
網址：http://ameblo.jp/kuriyama-mui/
撰文：賢