過去有唔少歐美脫星走入大銀幕演出，但邊個可以成功跑出？坦白講至今都冇個得囉！無奈人人都發明星夢，今日又有兩件，一個叫Anna Morna，另一個叫Spencer Scott，一件清純、一件野性，共通點係嫩口白滑，睇嚟導演都花過吓心思選角，佢哋嚟緊拍一部由電視劇改編嘅同名電影《Entourage》，飾演高鐘妹，會有露點演出，喺酒店房內同成棚男女開派對，場面極之淫亂。Anna對傳媒話今次係一個寶貴經驗，因為拍四仔同電影唔同，電影有好多人參與，感覺熱鬧得多，而且導演為人風趣，令拍攝過程非常順利。問題係阿妹只演閒角，乜真係咁多戲份兼要同導演溝通咩？呢部電影預定於明年上映，你估呢兩件脫星到時仲係咪喺四仔界搵食呢？