AV達人:XRCO頒獎禮 眾星力撐

每年第一季都係歐美四仔界各大頒獎禮嘅黃金檔期,老實講,蚊型頒獎禮你可以唔理,但作為專業四仔迷,呢個XRCO Awards一定要識,事關佢只限美國四仔業界人員參與,甚具代表性。

愈搞愈大

頒獎禮XRCO全名The X-Rated Critics Organization,講歷史會悶,而確實佢亦冇乜咁特別,簡單嚟講,喺1984年由一位四仔製片人Jim Holliday發起舉辦呢個頒獎禮,所有評審單位必須係現役業界公司或工作人員,包括編劇、導演、影評及脫星等,首次頒獎禮於1985年舉行,當初頒獎禮必定揀2月14日情人節舉行,直到1991年改為4月初,隨住經驗及大眾認受性,頒獎禮愈搞愈大,業界人員及脫星都力撐。有人話雖然佢冇AVN頒獎禮咁娛樂性豐富,但能夠喺XRCO Awards獲得獎項先係最感動喎!

陣容鼎盛

今年XRCO Awards已經舉辦到第29屆,鐵定於4月16日喺荷里活OHM夜總會舉行。細佬上官網XRCO.com了解過,內容及表演單位同以往差不多,冇乜驚喜及大變動,值得留意嘅獎項依然係最佳女演員,以及全年最暢銷四仔大獎,皆因呢兩個獎項會直接影響四仔迷買四仔心態,所以四仔片廠同脫星都非常重視,好似2012年及2013年由亞裔癡女Asa Akira冧莊奪得最佳女演員獎,之後Asa嘅片約多到接唔晒,每套擔正做女主角,堅呀!

今年最後入圍5大熱門脫星分別係:Asa Akira、Remy LaCroix、Chanel Preston、Bonnie Rotten以及Jada Stevens,呢個獎例牌每年都爭崩頭,睇今年陣容都好難揀,頭三位脫星四仔迷最睇好,假如Asa Akira再冧莊就成為三連霸,咁多年都未有女試過;Remy自復出後愈演愈放,四仔迷冧到佢爆;Chanel係上屆AVN Awards嘅最佳女演員得主,真係好難揀!

至於最暢銷四仔大獎,提名嘅作品分別有Smash Pictures《Broken Hearts》、Wicked Pictures《Divorcees》及Girlfriends Films《Truth Be Told》,每部四仔都係大廠出品,男女都啱睇,正!

撰文:祖