美國男優你淨係識James Deen？證明你冇睇成人新聞囉！其實四仔界有好多猛男，好似今期最威水非「光頭神炮」Derrick Pierce莫屬！18歲入行嘅Derrick，由於口才了得，支炮又猛，一出道就擔正男主角，之後成為多間大廠御用男優。眼見咁好撈，於是Derrick開設個人製作公司，一年內拍攝過百部四仔，繼而做埋導演，簽埋新人，再以業界紅人身份上成人電台做主持，撈乜都掂，認真威水。仲有，Derrick拍嘅四仔經常獲頒獎禮提名，上年佢替Wicked Pictures執導嘅《Tuff Love》，玩電單車性愛，結果捧走XBIZ Award最佳男優獎。早前，佢被片廠Hustler睇中，重金禮聘佢執多劑，拍攝《Hard & Fast》。Derrick接受傳媒訪問時話：「我好鍾意電單車，同時將自己嘅性幻想拍出嚟，無諗過咁受歡迎。」一個人行運真係擋都擋唔住o架！