舉辦大型活動要增加入場人次，除咗產品、服務有水準夠專業外，最重要係有噱頭，好似日本最近舉行嘅Pink Tokyo 2014，就係靠一班AV女優帶旺個場喇！
Pink Tokyo 2014聲稱係日本最大型、當地唯一一個成人娛樂界盛事，今年首次舉行，活動為期3日。為隆重其事，主辦單位特別請來24位AV女優以及水着妹做表演嘉賓，齊齊落力搞旺個場，兼且為來賓帶來無限歡樂。至於有咩AV女優到場呢？陣容就勁喇！有當今AV界最當紅、最有實力嘅天后級女優吉澤明步，仲有SOD小天后紗倉真菜，更有今屆SkyPerfecTV成人放送大賞勇奪最優秀女優大獎嘅波多野結衣！結衣仲聯同AV女優組合me-me上台載歌載舞，相對嚟講，只係出場行行企企嘅明步就失色好多。
除此之外，巨乳極品木下和津實、北川艾莉加、星咲胡桃、伊藤美玲等女優都有登場客串做推銷女郎，推銷一系列震蛋同自娛器等。一眾女優仲會出席現場舉行嘅攝影會，同粉絲們嚟個親密接觸添！另外，AV監督二村仁史以及松尾Company都有出席，擔任「Pink Tokyo認定雜誌模特兒競賽」以及「東京Bar Girls選舉」嘅評判。唔單止咁，仲有一個過癮又別具意義嘅活動畀來賓參與，就係捐錢打屁股喇！只要行去攤位捐款，就可以請到AV女優琥珀詩以及幾位水着妹出場，不過唔係打佢哋屁股，而係捐款者畀囡囡打屁股呀！見到女優打得咁開心，又可以做善事，吸引好多善長仁翁支持，所以3日嘅活動共籌得善款逾57,000日圓，勁呀！
撰文：賢